adverise with khmeread 1

ជនសង្ស័យម្នាក់លួចបេះក្ដឹបផ្លែស្វាយរបស់អ្នកភូមិឥតស្រាកស្រាន្ដ ចាប់បានខ្ញី!

    កណ្តាល​ ៖​ បុរសម្នាក់ត្រូវប៉ូលិសឃាត់ខ្លួនបន្ទាប់ពីបានធ្វើសកម្មភាពលួចបេះផ្លែស្វាយនៅថ្ងៃទី១៧ សីហា ឆ្នាំ២០១៦ វេលាម៉ោង១០ និង៣០នាទីយប់ចំណុចភូមិព្រែកដូង២ ឃុំកំពង់ស្វាយ ស្រុកកៀនស្វាយ ខេត្តកណ្តាល​ ហើយត្រូវបានអ្នកស្រុកចាប់បាននៅព្រឹកថ្ងៃទី១៨ សីហា​។

    ប៉ូលិសនិយាយថា​ ជនសង្ស័យឈ្មោះ អ៊ី វិចិត្រ ភេទប្រុស អាយុ២៤ឆ្នាំ ជនជាតិខ្មែរ ទីលំនៅភូមិ ឃុំកើតហេតុខាងលើ​ មុខរបរ មិនពិតប្រាកដ (ឃាត់ខ្លួន)។

    ចំណែកជនរងគ្រោះឈ្មោះ សំ វណ្ណឌី ភេទប្រុស អាយុ៤៨ឆ្នាំជនជាតិខ្មែរ ទីលំនៅ ភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្តាលមុខរបរ កសិករ។ វត្ថុតាងចាប់យកផ្លែស្វាយខ្ចី០១បាវ និងកង់០១គ្រឿង​។

    ប៉ូលិសបន្តថា​ កន្លងមកជនរងគ្រោះនិងប្រជាពលរដ្ឋក្នុងភូមិជាអ្នកមានចម្ការស្វាយបានបាត់ផ្លែស្វាយជាបន្តបន្ទាប់​។ លុះដល់ថ្ងៃកើតហេតុ បាននាំគ្នាយាម និងតាមដានឃើញជនសង្ស័យធ្វើសកម្មភាពបេះផ្លែស្វាយ ក៏នាំគ្នាពទ្ធ័ចាប់តែជនសង្ស័យដឹងខ្លួន ក៏បានរត់គេចខ្លួនបាត់។

    លុះដល់ថ្ងៃទី១៨ សីហា ២០១៦ វេលាម៉ោង១០ និង១០នាទីជនរងគ្រោះឃើញជនសង្ស័យនៅផ្ទះក៏ប្តឹងសមត្ថកិច្ចប៉ុស្តិ៍រដ្ឋបាលកំពង់ស្វាយឃាត់ខ្លួនមកប៉ុស្តិ៍ដើម្បីធ្វើការ សាកសួរ។

    នៅចំពោះមុខសមត្ថកិច្ចជនសង្ស័យបានឆ្លើយសារភាពថា៖ ខ្លួនបានធ្វើសកម្មភាពលួច បេះផ្លែស្វាយរបស់ជនរងគ្រោះ និងអ្នកភូមិយកទៅលក់ប្រាកដមែន។ ករណីនេះផ្នែកជំនាញកំពុង បន្ដចាត់ការ តាមនីតិវិធី៕


 

adverise with khmeread

មតិយោបល់