adverise with khmeread Untitled 1

គីម ជុង​អ៊ុន​គំរាម​វាយប្រហារ​មូលដ្ឋានទ័ព​អាមេរិក​ទាំងអស់​នៅ​តំបន់​អាស៊ី

​    ​តាម​វេ​ប​សាយ Daily Mail កាលពី​ថ្ងៃ​ព្រហស្បតិ៍ លោក គីម ជុង​អ៊ុន បាន​ព្រមាន​ថា លោក​នឹង​បំផ្លាញ​មូលដ្ឋានទ័ព​អាមេរិក​ទាំងអស់​នៅ​ទូទាំង​ទ្វីបអាស៊ី​ ប្រសិនបើ​អាមេរិក​ចាប់​វិធានការ​ឆ្កួតៗ​នោះ​។ 

​    ​គីម ជុង អ៊ុន​ព្រមាន​បែបនេះ ស្រប​ពេលដែល​កងទ័ព​អាមេរិក​នៅ​តំបន់​នេះ​ត្រៀមខ្លួន​ធ្វើ​សមយុទ្ធ​យោធា​ប្រចាំឆ្នាំ​ជាមួយ​កូរ៉េខាងត្បូង​។​

​    ​ប្រធានាធិបតី​អាមេរិក លោក បា​រ៉ា​ក់ អូ​បា​ម៉ា បាន​បញ្ជូន​យន្តហោះ​ទម្លាក់​គ្រាប់បែក B-1 ទៅកាន់​មូលដ្ឋាន​កងទ័ព​អាមេរិក​នៅ​កោះ Guam នៅ​សមុទ្រ​ប៉ា​ស៊ី​ហ្វិ​ច​។ ចំណាត់ការ​នេះ​បានធ្វើឱ្យ​មេដឹកនាំ​កូរ៉េខាងជើង គីម ជុង អ៊ុន ក្តៅក្រហាយ​ជាខ្លាំង​។​

​    ​កូរ៉េខាងជើង​បាន​ព្រមាន​ថា “​ក្នុងករណី សហរដ្ឋអាមេរិក​ហ៊ាន​ចាត់វិធានការ​ឆ្កួតៗ​ណាមួយ​នោះ  មូលដ្ឋាន​កងទ័ព​អាមេរិក​ទាំងអស់​នៅ​តំបន់​សមុទ្រ​ប៉ា​ស៊ី​ហ្វិ​ច រួមទាំង​កោះ Guam នឹងមិន​រួចផុត​ពី​ការបំផ្លាញ​ដោយ​ការវាយប្រហារ​ដ៏​ខ្លាំងក្លា​របស់​កងទ័ពរ​បស់​យើង​ឡើយ​”​។​

​    ​កូរ៉េខាងជើង​បាន​ចោទ​អាមេរិក​ថា​បានរៀបចំ​ផែនការ​វាយប្រហារ​ដោយ​អាវុធ​នុយក្លេអ៊ែរ​ជាមុន​ បន្ទាប់ពី​សហរដ្ឋអាមេរិក​បានប្រកាសថា​ខ្លួន​នឹង​បញ្ជូន​យន្តហោះ​ទម្លាក់​គ្រាប់បែក B-1 ទៅ​តំបន់​ប៉ា​ស៊ី​ហ្វិ​ច​ជា​លើកទីមួយ​ក្នុង​រយៈពេល ១០ ឆ្នាំ​មកនេះ​៕

 

adverise with khmeread
ប្រភព៖ Daily Mail

មតិយោបល់