adverise with khmeread 2

កីឡាការិនីរត់បណ្តាក់អាមេរិករត់ប្រណាំងតែឯងមិនធ្លាប់មានក្នុងប្រវត្តិសាស្ត្រអូឡាំពិក

    ​នេះ​គឺជា​ព្រឹត្តិការណ៍​មិន​ធ្លាប់​ឃើញ​ពីមុនមក​នោះឡើយ​នៅលើ​ទីលាន​រត់ប្រណាំង​កីឡា​អូឡាំពិក ដែល​ក្រុម​អត្ត​ព​លិ​ក​នារី​តំណាងឱ្យ​អាមេរិក​សម្រាប់​វិញ្ញាសា​រត់​បណ្តាក់ ១០០ ម៉ែត្រ​បួន​ជុំ ត្រូវបាន​ផ្តល់ឱកាស​ឱ្យ​រត់​លើក​ទី​ពីរ​នៅ​វគ្គ​ជម្រុះ​ក្នុង​ទីក្រុង​រី​យ៉ូ បន្ទាប់ពី​ពួកគេ​បាន​ជ្រុះ​វគ្គ​ដំបូង​របស់​ពួកគេ​នៅ​ដើមការ​ប្រកួត​ជម្រុះ​កាលពី​ថ្ងៃ​ព្រហស្បតិ៍​ម្សិលមិញ​នេះ​។​

​    ​ក្រុម​អាមេរិក​ដាក់​ញ្ញត្តិ​សុំ​រត់​ម្តងទៀត បន្ទាប់ពី​សមាជិក​ម្នាក់​ឈ្មោះ Allyson Felix បាន​អះអាងថា​អត្ត​ព​លិ​ក​តំណាងឱ្យ​ប្រេ​ស៊ី​ល​ម្នាក់​បាន​ជល់​កែងដៃ​មកលើ​នាង ខណៈដែល​នាង​បម្រុង​បញ្ជូន​ដំបង​ទៅ​មិត្ត​រួម​ក្រុម​ខ្លួន English Gardner នៅ​ជុំ​ទី​បី​។​

​    ​សមាគម​សហព័ន្ធ​កីឡាអត្តពលកម្ម​អន្តរជាតិ ហៅ​កាត់ IAAF បាន​ឈរ​នៅ​ខាង​អត្ត​ព​លិ​ក​អាមេរិក ហើយ​បន្ទាប់មក​នៅ​ម៉ោងជាង ៧​ល្ងាចម្សិលមិញ​នៅ​ប្រេ​ស៊ី​ល អត្ត​ព​លិ​កបួន​នាក់​នេះ​បាន​ដើរទៅ​កាន់​ទីលាន​រត់ប្រណាំង​ឡើងវិញ​ដើម្បី​ចាប់ផ្តើម​ស្វែងរក​ចំណាត់ថ្នាក់​របស់ខ្លួន​ម្តងទៀត​។​

​    ​ទោះជា​យ៉ាងណាក្តី នៅ​ទីបំផុត​ក្រុម​អត្ត​ព​លិ​ក​នារី​មួយក្រុម​នេះ​បានឈ្នះ​ការប្រកួត​ដោយ​ងាយស្រួល​ជាមួយនឹង​ការសម្រេច​ថេរវេលា ៤១,៧៧​វិនាទី​៕

S-baton.html

១. អាមេរិក - ៤១,៧៧ វិនាទី (​បន្ទាប់ពី​រត់ប្រណាំង​ឡើងវិញ​)
២. ចា​ម៉ៃ​កា - ៤១,៧៩ វិនាទី​
៣. ចក្រភព​អង់គ្លេស - ៤១,៩៣ វិនាទី​
៤. អាល្លឺម៉ង់ - ៤២,១៨ វិនាទី​
៥. អ៊ុយ​ក្រែ​ន - ៤២,៤៩ វិនាទី​
៦. នី​ហ្សេ​រី​យ៉ា - ៤២,៥៥ វិនាទី​
៧. ទ្រី​នី​ដា​ដ និង​តូ​បេ​កូ - ៤២,៦២ វិនាទី​
៨. កាណាដា - ៤២,៧០ វិនាទី​
៩. ចិន - ៤២,៧០ វិនាទី​៕

ប្រភព៖ ដេលីមែល

 

adverise with khmeread

មតិយោបល់