adverise with khmeread 14089191 1093527414018392 795359905343238764 n

ដំណឹងល្អសម្រាប់ប្រិយមិត្តអ្នកគាំទ្រតារាចម្រៀងល្បីកញ្ញា​ ឱក សុគន្ធកញ្ញា

    ភ្នំពេញ​ ៖​ តារាចម្រៀងដ៏ល្បីពេញនិយមរបស់កម្ពុជាមួយរូប គឺកញ្ញាឱក សុគន្ធកញ្ញា នឹងចូលរួមក្នុងមហោស្រពតន្រ្តី ចម្រៀងមិត្តភាពរវាង ចិន និង អាស៊ាន ដែលប្រព្រឹត្តធ្វើនៅថ្ងៃទី១៤ ខែតុលា ឆ្នាំ២០១៦ នៅប្រទេសចិន​នាពេលខាងមុខនេះ។

    លោក គឹម​ គុណវឌ្ឍ​ អគ្គនាយកទូរទស្សន៍ជាតិកម្ពុជា (ទទក) បានជូនដំណឹងនៅថ្ងៃទី១៩ សីហានេះថា​  "តារាចម្រៀងដ៏ល្បីពេញនិយមរបស់កម្ពុជាមួយរូប គឺកញ្ញាឱក សុគន្ធកញ្ញា នឹងចូលរួមក្នុងមហោស្រពតន្រ្តី ចម្រៀង មិត្តភាពរវាង ចិន និង អាស៊ានដែលប្រព្រឹត្តធ្វើនៅថ្ងៃទី១៤ ខែតុលា ឆ្នាំ២០១៦ នៅក្រុង Hai Kou ខេត្តហៃ ណាន សាធារណរដ្ឋប្រជាមានិតចិន រៀបចំដោយវិទ្យុអន្តរជាតិចិន CRI"។

    លោកអគ្គនាយកបន្តថា​ "នេះជាឆ្នាំទី ២ ហើយ ដែលតារាចម្រៀងល្បីរបស់កម្ពុជា ចូលរួមក្នុងមហោស្រពនេះនៅឆ្នាំ២០១៥ គឺយុវអ្នកចម្រៀង ម៉ា សុបញ្ញា បានចូលរួម។ អ្នកចម្រៀងល្បីៗពី អាស៊ានទាំង ១០ ប្រទេស និង អ្នកចម្រៀងល្បីៗរបស់ ចិន នឹងចូលរួមក្នុងព្រឹត្តិការណ៏នេះ"។

    កញ្ញា ឱក សុគន្ធកញ្ញា បានឱ្យដឹងថា " រូបកញ្ញា នឹងសម្រាំងបទចម្រៀងថ្មី ដើម្បីយកទៅបង្ហាញក្នុងមហោស្រពដ៏សំខាន់មួយនេះ"។ ទ.ទ.ក នឹងធ្វើការចាក់ផ្សាយកម្មវិធីនេះនៅពេលបញ្ចប់មហោស្រព៕

adverise with khmeread

មតិយោបល់