adverise with khmeread 0

អ៊ីចឹង​ទេតើ​បានជា​គេ​ផលិត​ថ្នាំ​បំពង់​មាន​ពីរ​ពណ៌​ផ្សេងគ្នា​!

    ​ពេល​លេបថ្នាំ​បំពង់ តើ​លោកអ្នក​ធ្លាប់​ចាប់អារម្មណ៍ និង​ឆ្ងល់​ដែរ​ទេ​ថា​ហេតុអ្វី​បានជា​ថ្នាំ​បំពង់​មាន​ពីរ​ពណ៌​ផ្សេងគ្នា​? តើ​មាន​ហេតុផល​អ្វី​នៅ​ខាងក្រោយ​វា​? 

​    ​ទំហំ​បំពង់​ទាំងពីរ​ផ្នែក​មិន​ស្មើគ្នា​ទេ មួយ​វែង (​មាត់​រាង​តូច​ជាង​) និង​មួយទៀត​ខ្លី​ជាង (​មាត់​រាង​ធំ​ជាង​)​។ ផ្នែក​វែង​ជាងគេ​ជា​អ្នក​ផ្ទុក​ថ្នាំ មានន័យថា ផ្នែក​ខ្លី​ដើរតួ​ជា "​គម្រប​" និង​ផ្នែក​វែង​ដើរតួ​ជា "​ប្រដាប់​ផ្ទុក​ថ្នាំ​"​។ 

​    ​អំឡុងពេល​គេ​ផលិត​ថ្នាំ​បំពង់ "​ប្រដាប់​ផ្ទុក​ថ្នាំ​" ត្រូវបាន​ដាក់​នៅ​ខាងក្រោម​បើក​មាត់​ចំហ​ដើម្បី​ច្រកថ្នាំ​ចូល ហើយ​បន្ទាប់មក​គេ​យក "​គម្រប​" គ្របពីលើ​ជិត​តែម្តង​។ 

​    ​ប្រសិនបើ​ផ្នែក​ទាំងពីរ​មាន​ពណ៌​ដូចគ្នា គេ​ច្បាស់​ជា​ពិបាកធ្វើ​ការបែងចែក​ថា​មួយណា​ជា គម្រប និង​មាន​ណា​ជា ប្រដាប់​ផ្ទុក​ថ្នាំ​ណាស់​។ 

​    ​ហេតុដូច្នេះ​ហើយ​ទើប​ពណ៌​ខុសគ្នា​ត្រូវបាន​យកមកប្រើ​ដើម្បី​សម្គាល់​លក្ខណៈ​ខុសគ្នា​នេះ ក៏ដូចជា​ដើម្បី​បង្កើនល្បឿន​ចង្វាក់​ផលិតកម្ម​ថ្នាំ​ផងដែរ​។ 

​    ​ក្រៅពីនេះ ពណ៌​បំពង់​ខុសគ្នា​នេះ​ក៏​ទាក់ទាញ​ក្មេងៗ​ឱ្យមាន​អារម្មណ៍​ស្រួល​ចិត្ត​ចង់​លេបថ្នាំ​ដែរ​៕

adverise with khmeread
ប្រភព៖ healthylifecentar

អ្នកនឹងចូលចិត្ត

មតិយោបល់