adverise with khmeread Dmvidpics 2016 08 19 at 14 44 07

ទឹក​ចិត្តជា​អ្នកកីឡា​! សុខចិត្ត​ជុះ​ដាក់​ខោ​តាមផ្លូវ ក៏​មិន​បោះបង់​ការប្រកួត​ដែរ​

    ​អត្ត​ព​លិ​ក​តំណាងឱ្យ​ប្រទេស​បារាំង​ម្នាក់​បាន​តស៊ូ​នឹង​ស្ថានភាព​ដ៏​វេទនា​បំផុត​មួយ បន្ទាប់ពី​គាត់​ទប់​លាមក​មិន​ជាប់​ពេល​សល់ ១៥​គីឡូម៉ែត្រ​ទៀត​ទម្រាំ​ទៅដល់​ទី​ផ្តាច់ព្រ័ត្រ​ក្នុង​វិ​ញ្ញា​ប្រណាំង​ដើរ​ចម្ងាយ ៥០​គីឡូម៉ែត្រ​ផ្នែក​បុរស​។​

​    ​ស្ថានភាព​របស់ Yohann Diniz ត្រូវបាន​ចាប់​ជាប់​ដោយ​កាមេរ៉ា​ជាមួយនឹង​ស្នាម​ប្រឡាក់​ប្រតាក​ហៀរ​ចេញ​តាម​ជើងខោ​របស់គាត់ បន្ទាប់ពី​ធ្លាយ​លាមក​តាមផ្លូវ​ខណៈ​កំពុង​ប្រកួត​។​

​    ​Diniz គឺជា​អត្ត​ព​លិ​ក​ម្នាក់​ដែល​គេ​រំពឹង​ខ្ពស់​ថា​នឹង​ឈ្នះ​មេដាយមាស​ក្នុង​ទីក្រុង​រី​យ៉ូ ហើយ​គាត់​ក៏​ជា​អ្នក​គ្រង​កំណត់ត្រា​ពិភពលោក​ម្នាក់​ផងដែរ ប៉ុន្តែ​នៅពេល​ឈឺ​បត់ជើងធំ​មកដល់​ហើយ​នោះ គាត់​ពិបាក​នឹង​រក្សា​តំណែង​នេះ​ណាស់​។​

​    ​នៅ​ទីបំផុត ម្ចាស់​ជើងឯក​ពិភពលោក Matej Toth តំណាងឱ្យ​ប្រទេស​ស្លូ​វ៉ា​គី បានឈ្នះ​ការ​ប្រជែង​មួយ​នេះ ដែល​ធ្វើដំណើរ​មកដល់​មុន​ម្ចាស់​មេដាយមាស​កីឡា​អូឡាំពិក​ទីក្រុង​ឡុង​ដ៍ ឆ្នាំ​២០១២ Jared Tallent មកពី​ប្រទេស​អូស្ត្រាលី និង​អត្ត​ព​លិ​ក​ជប៉ុន Hirooki Arai ទទួលបាន​មេដាយ​សំរឹទ្ធិ​៕

 

adverise with khmeread
ប្រភព៖ Metro

មតិយោបល់