adverise with khmeread Cl

ប្រតិកម្មចម្រុះជុំវិញវីដេអូចម្រៀង “Lifted” របស់ CL

          តារា​ចម្រៀង CL សមាជិក​របស់​ក្រុម​ចម្រៀង 2NE1 បានចេញផ្សាយ​វីដេ​អូ​ចម្រៀង​ថ្មី​​បទ​ “Lifted” កាលពីថ្ងៃព្រហ្បតិ៍​ ហើយវាជា​បទ​ចម្រៀងទោលដែល​អ្នក​គាំ​ទ្រ​ទន្ទឹងរង់ចាំយ៉ាងអន្ទះសា​បំផុត។

          រូបភាពវីដេអូនេះ​បង្ហាញថា CL ស្លៀកឈុត​ចម្រុះពណ៌​លម្អដោយ​គ្រឿង​​​អលង្ការ​ដែលមានត​ម្លៃថ្លៃ ហើយ​បង្ហាញមុខក្នុងចំណោម​ក្រុម​មនុស្ស។ នាង​ដើរ​ត្រាច់ចរនៅតាម​ដងវិថី​នានានៅ The Bronx in New York រាំច្រៀង ជប់លៀង​និង​​ផឹក​ស្រាមួយដបចំណុះ១,២​លីត្រដាក់ក្នុងស្បោង​ពណ៌​ត្នោត។

          គេឃើញ​តារា​ចម្រៀងហ៊ីបហប់ជើងចាស់ Wu Tang Clan រាំជាមួយនាង​ផងដែរក្នុងវីដេអូចម្រៀងនេះ។

          វីដេអូចម្រៀងនេះបានបណ្តាលឲ្យ​មាន​ប្រតិកម្មចម្រុះ ដោយអ្នកគាំទ្រ​ខ្លះ​រិះគន់​ថា នាង​ចម្លង​​ស្ទីល​របស់​ជនជាតិអាមេរិកដើម​កំណើតអាហ្វ្រិក​ ប៉ុន្តែ​អ្នក​ខ្លះ​ទៀត​អួត​សរសើរអំពីទេពកោសល្យ​របស់​នាង។

          អ្នក​គាំទ្រ​ជា​ច្រើននិងក្រុមហ៊ុន YG បាន​សម្តែង​កា​រ​ខកចិត្តចំពោះ CL ដោយ​សារតែនាង​ច្រៀង​និង​ធ្វើ​រែប​​អំពី​ការ​ផឹក​ស៊ី ជប់លៀង ជក់កញ្ឆានិង​សិច។ អ្នកគាំទ្រ​ទាំងនេះ​ ចង់ឃើញ​រូបភាពនិងស្ទីល​ដែល​នាង​សម្តែង​ក្រោម​ការគ្រប់​គ្រង​របស់ក្រុម​ហ៊ុន YG Entertainment  កន្លងមក។

          បទ “Lifted” ក៏បាន​ក្លាយជា​ប្រធាន​បទក្តៅ​នៃ​ការពិភាក្សា​ផងដែរ ដោយ​សារ​តែ​កាលបរិច្ឆេទចេញផ្សាយ​របស់បទនេះជាន់គ្នានឹង​ខួប១០​ឆ្នាំ​របស់​ក្រុម​ចម្រៀង Big Bang ។ ទោះបីជា​យ៉ាងណា វីដេអូចម្រៀងនេះ​​ ត្រូវបានគេ​ចូល​បើក​មើល​ជាងមួយលាន​ដងហើយ​ក្នុងរយៈ​ពេល​តែមួយថ្ងៃបន្ទាប់ពី​ការ​ចេញផ្សាយ៕

 

adverise with khmeread

មតិយោបល់