adverise with khmeread 37680fe800000578 0 image m 28 1471645445458

Robert Lewandowski ស៊ុត Hat-trick ជួយ​ឱ្យ​ឈុត​ធំ Bayern ឈ្នះ​ក្រុម​អន់ Carl Zeiss Jena ៥-០

    ​Robert Lewandowski អា​ចរក​គ្រាប់​បាល់ Hat-trick បានសម្រេច​ម្តងទៀត​កាលពី​យប់​ម្សិលមិញ ខណៈដែល Bayern Munich បានចាប់ផ្តើម​យុទ្ធនាការ​ការពារ​ពាន German Cup របស់​ពួកគេ​ជាមួយ​លទ្ធផល​ជ័យជម្នះ ៥-០ ទៅលើ​ក្រុម​មកពី​លី​ក​លំដាប់​ទី​បួន​អាល្លឺម៉ង់ Carl Zeiss Jena ។​

​    ​ខ្សែប្រយុទ្ធ​អន្តរជាតិ​ប៉ូឡូញ​រូបនេះ ធ្វើបាន​សម្រេច​គ្រាប់​បាល់​នាំមុខ​ទៅដល់ Bayern ត្រឹម​រយៈពេល ៣​នាទី​ប៉ុណ្ណោះ​ពី​ការចាប់ផ្តើម​ប្រកួត បន្ទាប់ពី Thomas Muller បញ្ជូន​បាល់​ចេញ​ទើបតែ​បាន​មួយ​ជើង​។ 

​    ​គ​ន្លាត​រវាង​ក្រុម​ទាំងពីរ​ត្រូវបាន​បញ្ជាក់​យ៉ាងច្បាស់​តាមរយៈ​ប្រកួត​មួយ​នេះហើយ​វា​ហាក់ដូចជា​គ្រាន់តែ​ជា​បញ្ហា​នៃ​ពេលវេលា​មួយ​ប៉ុណ្ណោះ មុន​ពេលដែល​ភ្ញៀវ​បាន​ស៊ុត​បញ្ចូល​ទី​ម្តងទៀត​។ Lewandowski បានសម្រេច​គ្រាប់​បាល់​ទី​ពីរ​របស់ខ្លួន​នៅ​នាទី​ទី ៣៤ ដែល​កើតឡើង​បន្ទាប់ពី​ខ្សែការពារ​របស់​ម្ចាស់ផ្ទះ Justin Gerlach បរាជ័យ​ក្នុងការ​រារាំង​បាល់​កាត់​របស់ Franck Ribery​។​

​    ​Lewandowski ដែល​នឹង​ប្រារព្ធ​ថ្ងៃ​ខួបកំណើត​ទី ២៨​របស់ខ្លួន​នៅ​ថ្ងៃអាទិត្យ​ស្អែក​នេះ បានសម្រេច​គ្រាប់​បាល់ Hat-trick នៅក្នុង​រយៈពេល​ប្រាំបួន​នាទី​បន្ទាប់ ជាមួយនឹង​កា​រប​ញ្ចូ​ន​បាល់​លើក​ទី​ពីរ​ដោយ Ribery ។​

​    ​Arturo Vidal បាន​ស្វែងរក​គ្រាប់​បាល់​ទី​បួន​បាន​នៅ​នាទី​៧២ មុន​ពេលដែល​គ្រាប់​បាល់​បិទ​ឆាក​កើតឡើង​នៅ​រយៈពេល​៥​នាទី​បន្ទាប់​ធ្វើបាន​ដោយ​កីឡា​ទើបនឹង​ដូរ​ចូល Mats Hummels ដែលជា​គ្រាប់​បាល់​ដំបូង​របស់គាត់​ក្នុងនាម​ជា​ខ្សែការពារ​ចំណូល​ថ្មី​របស់ Bayern ផងដែរ​។​

​    ​បញ្ចប់​ការប្រកួត កីឡា​ចំណូល​ថ្មី Hummels ដែល​បាន​ផ្ទេរ​ចេញពី Borussia Dortmund កាល​ដើមទី​ផ្សារ​រដូវក្តៅ​នេះ​បានបញ្ជាក់​ពី​អារម្មណ៍​របស់ខ្លួន​ថា "​វា​ពិត​ជាមាន​អារម្មណ៍ល្អ​។ ស៊ុត​បញ្ចូល​ទី​បាន​មួយ​គ្រាប់​គឺជា​លទ្ធផល​ដ៏​ពិ​សេសមួយ​សម្រាប់​ខ្សែការពារ​"៕

 

adverise with khmeread
ប្រភព៖ Daily Mail

មតិយោបល់