adverise with khmeread 1

ហេតុអ្វី Jose Mourinho ក្រៀមក្រំពេលឈ្នះ Southampton?

    ​លោក Jose Mourinho បាន​ទទួលស្គាល់ថា​គាត់​ក្រៀមក្រំ បន្ទាប់ពី​ជ័យជម្នះ​របស់​បិសាច​ក្រហម Manchester United ទៅលើ Southampton កាលពី​យប់​ថ្ងៃ​សុក្រ​ក្នុង​លទ្ធផល ២-០​។​

​    ​អ្នកចាត់ការ​ទូទៅ​សញ្ជាតិ​ព័រ​ទុយ​ហ្គា​ល់​រូបនេះ​បាន​បញ្ជាក់ថា វា​មិនមែន​អ្វីដែល​ត្រូវ​ញញឹម​ទាំងស្រុង​នោះឡើយ​នៅ​ទឹកដី Old Trafford ខណៈ​កីឡាករ​មួយចំនួន​មិនអាច​ដាក់បញ្ចូល​ក្នុង​ឈុត​ជម្រើស​បាន​។ នេះ​បើ​យោងតាម​វេ​ប​សាយ Manchester Evening News ។​

​    ​កីឡាករ Matteo Darmian, Timothy Fosu-Mensah, Phil Jones, Michael Carrick, Memphis Depay និង Marcos Rojo ទាំងអស់នេះ​សុទ្ធតែ​មិនមាន​ឈ្មោះ​ក្នុង​ឈុត​ជម្រើស​ទាំង ១៨​នាក់​។​

​    ​Mourinho ចង់ឱ្យ​ខែកញ្ញា​មក​ឆាប់ ដូច្នេះ​ទើប​គាត់​អាច​ចាប់ផ្តើម​ដាក់​កីឡាករ​ទាំងនោះ​ឱ្យចូល​លេង​ក្នុង​ការប្រកួត​នៅក្នុង Europa League និង​ខាប់​ក្នុងស្រុក League Cup ជាដើម​។​

​    ​អ្នកចាត់ការ​រូបនេះ​បាន​បញ្ជាក់ថា "​ខ្ញុំ​មាន​កីឡាករ​ល្អៗ​ជាច្រើន​។ ខ្ញុំ​ធ្វើដំណើរ​ចូលទៅក្នុង​បន្ទប់​ផ្លាស់​សម្លៀកបំពាក់ បន្ទាប់ពី​ការប្រកួត ហើយ​ខ្ញុំ​រីករាយ ប៉ុន្តែ​បន្ទាប់មក​ខ្ញុំ​ប្រែ​ទៅជា​ក្រៀមក្រំ ដោយសារតែ​ខ្ញុំ​ទៅដល់​ទីនោះ ឃើញ​កីឡាករ​ផ្សេងទៀត​នៅ​ទីនោះ​ដែរ ពួកគេ​មាន​ឯកសណ្ឋាន​ម៉ាក Paul Smith ប៉ុន្តែ​មិនមែនជា​សម្លៀកបំពាក់​ស​ម្រា​ប់​កីឡា​ឡើយ មិនអាច​សូម្បីតែ​លេង មិនអាច​សូម្បីតែ​ស្ថិតនៅលើ​កៅអី​បម្រុង​"​។​

​    ​គាត់​បាន​បន្តទៀតថា "​ដូច្នេះ​ពេលដែល​ខ្ញុំ​សម្លឹង​មើលទៅ Memphis, Carrick, Jones គឺ​សុទ្ធតែ​កីឡាករ​ដែល​ខ្ញុំ​មិនបាន​ជ្រើសរើស​។ ខ្ញុំ​ចង់ឱ្យ​ខែកញ្ញា​មកដល់​ឆាប់ៗ​ណាស់​។ ព្រោះ​ខែកញ្ញា​យើង​នឹងមាន​ការប្រកួត Capital One Cup យើង​មាន Europa League យើង​មាន​ប្រាំពីរ​ប្រកួត​ក្នុង​ខែកញ្ញា ហើយ​ពួកគេ​ទាំងអស់​អាច​លេង​បាន ហើយ​បន្ទាប់មក​ខ្ញុំ​រីករាយ​"៕

 

adverise with khmeread
ប្រភព៖ Mirror

មតិយោបល់