adverise with khmeread Dead

ក្មេងប្រុស​នេះ​ស្លាប់ ២០ នាទី​ស្រាប់តែ​រស់​ឡើងវិញ​! សាច់រឿង​របស់គាត់​ធ្វើឱ្យ​វេជ្ជបណ្ឌិត​និង​ឪពុកម្តាយ​ចង់​ជឿ​បន្តិច​អត់​បន្តិច​

    ​រឿងរ៉ាវ​មិនអាច​ពន្យល់បាន​ជាច្រើន​បានកើត​ឡើង​នៅ​ជុំវិញ​ពិភពលោក​រៀងរាល់ថ្ងៃ​។ ករណី​ស្លាប់​ហើយ​រស់​ឡើងវិញ​មាន​ច្រើនណាស់​នៅ​ជុំវិញ​ពិភពលោក​។ ឥឡូវ​ក្មេង​ជំទង់ Zach Clements ដែល​ស្លាប់ ២០ នាទី ហើយ​រស់​ឡើងវិញ ចេញមក​និយាយ​ពីបទ​ពិសោធន៍​របស់ខ្លួន​ឱ្យ​ពិភពលោក​បានដឹង​។ 

​     Zach អាយុ ១៧ ឆ្នាំ​រស់នៅ​រដ្ឋ​តិច​សាសជា​បុរស​វ័យក្មេង​រហ័សរហួន និង​មាន​សុខភាព​មាំមួន ប៉ុន្តែ​ថ្ងៃមួយ​គាត់​បាន​ដួលសន្លប់​ពេល​កំពុង​ហាត់ប្រាណ​នៅ Gym មួយកន្លែង​។ Zach ត្រូវបាន​នាំទៅ​មន្ទីរពេទ្យ​យ៉ាង​ប្រញាប់ប្រញាល់​ដោយសារ​គាំងបេះដូង​។ វេជ្ជបណ្ឌិត​បានប្រកាស​ថា​រូបគេ​បាន​ស្លាប់​ហើយ​...​ប៉ុន្តែ ២០ នាទី​ក្រោយមក​ក្រុមគ្រូពេទ្យ​មានការ​ងឿងឆ្ងល់​ជាខ្លាំង ដែល​រឿង​អព្ភូតហេតុ​បានកើត​ឡើង​។ 

​     Zach លែងមាន​ជីពចរ ២០ នាទី​។ ក្មេងប្រុស​ជំទង់​នេះ​ស្រាប់តែ​ភ្ញាក់​ដឹងខ្លួន​វិញ ក្នុង​ហេតុការណ៍​ដែល​គេ​មិនអាច​ពន្យល់បាន​នោះឡើយ​។ រឿងរ៉ាវ​នេះ​កើតឡើង​នៅ​ថ្ងៃទី ១៥ ខែឧសភា ២០១៥​។ ព្រឹត្តិការណ៍​នេះ​ពិតជា​អស្ចារ្យ​ហើយ ប៉ុន្តែ​អ្វីដែល​គាត់​ប្រាប់​វេជ្ជបណ្ឌិត និង​ឪពុកម្តាយ​ទើប​ជា​រឿង​គួរ​ភ្ញាក់ផ្អើល​។ 

​    ​Zach បាន​ប្រាប់​ទូរទស្សន៍ CBS DFW ថា ពេល​គាត់​ស្លាប់ ២០ នាទី គាត់​មាន​អារម្មណ៍​ស្ងប់​សុខ និង​បានឃើញ​មុខ​មនុស្ស​ដូច​ធ្លាប់​ស្គាល់​ម្នាក់​។ រូបគេ​និយាយថា "​ខ្ញុំ​ឃើញ​បុរស​សក់វែង និង​ពុកមាត់​ក្រាស់ ហើយ​គិត​មួយ​ភ្លែត​ទើប​ខ្ញុំ​ដឹងថា នោះ​ជា​ព្រះ​យ៉េ​ស៊ូ​"​។ 

​    ​Zach អះអាងថា ព្រះ​យេស៊ូ​បានដាក់​ដៃ​លើ​ស្មា​ខ្លួន រួច​ប្រាប់ថា​អ្វីៗ​នឹងមិន​អី​នោះទេ បន្ទាប់មក​បេះដូង​របស់ខ្ញុំ​បានចាប់ផ្តើម​លោត​ឡើងវិញ​។ 

​    ​យោងតាម​ក្រុមគ្រូពេទ្យ​ដែល​ព្យាបាល Zach បានឱ្យដឹងថា គ្មាន​អំណះអំណាង​បែប​វិទ្យាសាស្ត្រ​ណាមួយ​អាច​ពន្យល់​អំពី​ការ​រស់​ឡើងវិញ​របស់ Zach ទេ​។ ហើយ​ពួកគេ​ក៏​មិនដឹងថា​អ្វីដែល Zach និយាយ​ជា​រឿង​ពិត​ឬ​ប្រឌិត​នោះឡើយ​។ 

​    ​ចម្ងល់​មួយ​នេះ​បានធ្វើឱ្យ​ឪពុកម្តាយ​របស់គាត់ និង​គ្រូពេទ្យ​នៅតែ​ងឿងឆ្ងល់​ខ្លាំង ហើយក៏​មិនមាន​ភស្តុតាង​អ្វី​មក​បញ្ជាក់​ច្បាស់​អំពី​អព្ភូតហេតុ​នេះដែរ​៕

adverise with khmeread
ប្រភព៖ Vrialnova

អ្នកនឹងចូលចិត្ត

មតិយោបល់