adverise with khmeread Ad 216376728

វីឡា​ថ្លៃ​បំផុត​របស់​ពិភពលោក​ដាក់លក់​ជាង ១០០០ លាន​ដុល្លារ​

    ​យើង​ដឹង​ហើយ​ថា ផ្ទះមួយៗ​មិន​ងាយ​ទិញ​បាន​នោះឡើយ ចុះ​ទម្រាំ​ផ្ទះ​វីឡា​មួយ​នេះ​វិញ តើ​ថ្ងៃ​ណា​ទើប​មានលទ្ធភាព​ទិញ​? 

​    ​ប៉ុន្តែ​ប្រសិនបើ​អ្នកមាន​ប្រាក់ ៨៦០ លាន​ផោន (​ជិត ១.១២៥ លាន​ដុល្លារ​) អ្នក​អាច​ទិញ​ផ្ទះ​វីឡា​ដ៏​ស្រស់ស្អាត​នេះ​បាន​ហើយ​។ វា​ទំនងជា​វីឡា​ថ្លៃ​បំផុត​ក្នុង​ពិភពលោក​។ 

​    ​វីឡា​ឈ្មោះ Le Cedres នេះ​ទើបតែ​ដាក់លក់​នៅពេល​ថ្មីៗ​នេះ​ទេ នៅក្នុង​ទីក្រុង Saint-Jean-Cap-Ferrat ភាគខាងត្បូង​ប្រទេស​បារាំង​។ វា​ជា​កម្មសិទ្ធិ​របស់​សេដ្ឋីនី Suzanne Marnier-Lapostolle​។ 

​    ​ផ្ទះ​នេះ​មាន​បន្ទប់ដេក ១០ មាន​អាង​ហែល​ទឹក​ខ្នាត​អូឡាំពិក​មួយ សាល​មួយ និង​ក្រោល​មួយ​សម្រាប់​ដាក់​សេះ ២០ ក្បាល​។ ប្រសិនបើ​អ្នក​ចូលចិត្ត​សួន ផ្ទះ​នេះ​ពិតជា​ស័ក្តិសម​សម្រាប់​អ្នក​ណាស់ ព្រោះ​មានផ្ទះ​កញ្ចក់ ២០ សួនច្បារ ១៤ ហិកតា ដើមឈើ ១៥០.០០០ ដើម និង​អ្នក​ថែ​សួន​អាជីព ១៥ នាក់​៕

adverise with khmeread
ប្រភព៖ Metro

អ្នកនឹងចូលចិត្ត

មតិយោបល់