adverise with khmeread Unnamed %282%29

ស្គាល់អត្តសញ្ញាណយុវជន២នាក់ដែលរថយន្តដឹកដីកិនស្លាប់ពីយប់មិញ(មានវីដេអូ)

    ភ្នំពេញ​ ៖ យុវជន២នាក់​បានស្លាប់ភ្លាមនៅកន្លែងកើតហេតុ ខណៈពួកជិះឌុបគ្នាហើយត្រូវបានរថយន្តកូរ៉េដឹកខ្សាច់បើកបុក ហើយអូសជាង៣០ម៉ែត្របណ្តាលរថយន្តក្រឡាប់ផ្ងារកង់ឡើងលើ​នោះ​ នៅពេលនេះស្គាល់អត្តសញ្ញាណហើយ​។

    គ្រោះថ្នាក់នេះបានកើតហេតុកាលពីវេលាម៉ោង៩យប់ ថ្ងៃទី២០ ខែសីហា​ ឆ្នាំ២០១៦ នៅចំណុចជាប់របងសាលាអន្តរជាតិណតប្រីតតាមបណ្តោយផ្លូវណតប្រីត ស្តិតក្នុងសង្កាត់ទឹកថ្លា ខណ្ឌសែនសុខ។

    ប៉ូលិសនិយាយថា​ សពជនរងគ្រោះទី១-ឈ្មោះ កង​ ស៊ីណាត​ ភេទប្រុស អាយុ២៤ឆ្នាំមុខរបរជាងពិដាន​ ស្នាក់នៅភូមិដំណាក់ស្វាយ​ ឃុំល្វេ​ស្រុកកោះសូទិន​ ខេត្តកំពង់ចាម​ និងទី២-ឈ្មោះ វ៉ាន់​ នី​ ភេទប្រុស អាយុ២១ឆ្នាំ មុខរបរកម្មករសំណង់​ ស្នាក់នៅភូមិកំពង់ភ្នំ​ ឃុំកំពង់ពោធិ៍​ ស្រុកលើកដែក​​ ខេត្តកណ្តាល​។

    ប៉ូលិសបន្តថា ដំបូងគេបានឃើញជនរងគ្រោះជិះម៉ូតូម៉ាកនិច ពណ៌ស ពាក់ស្លាកលេខភ្នំពេញ 1DH-0768 ធ្វើដំណើរតាមបណ្តោយផ្លូវ​ណតប្រីតក្នុងទិសដៅពីជើងទៅត្បូង។

    ខណៈមកដល់ចំណុចកើត​ហេតុស្រាប់តែមានរថយន្តកូរ៉េចំណុះមួយតោនកន្លះ ពណ៌ស ​ពាក់ស្លាកលេខតាកែវ 3A-1758 ធ្វើដំណើរបញ្ច្រាស់ទិសគ្នា ក្នុងល្បឿន​លឿន ហើយបានបុកម៉ូតូទាំងកម្រោលថែមទាំងអូសជាង៣០ម៉ែត្រ​ ធ្វើឱ្យអ្នកជិះម៉ូតូស្លាប់ភ្លាមនៅកន្លែងកើតហេតុ​ចំណែករថយន្តក្រឡាប់ផ្ងារកង់ច្រង៉ាង។

    បន្ទាប់ពីរថយន្តបង្កគ្រោះថ្នាក់រួច​តៃកុងបានចុះពីលើរថយន្តហើយគេចខ្លួនបាត់បន្សល់ទុករថយន្តនៅកន្លែងកើតហេតុ។


​    
​    ក្រោយពេលកើតហេតុសមត្ថកិច្ច បានចុះមកដល់ចំណុចកើតហេតុទាក់ទៅប៉ូលិសជំនាញធ្វើការវាស់វែងយករថយន្ត និងម៉ូតូទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ។ ចំណែកសព​ត្រូវបានយកទៅតម្កល់ទុកនៅវត្តទឹកថ្លា​ឥឡូវបានស្វែងរកក្រុមគ្រួសារឃើញហើយបានមកទទួលយកទៅធ្វើបុណ្យតាមប្រពៃណីនៅស្រុកំណើត​៕

 

adverise with khmeread

មតិយោបល់