adverise with khmeread Real madrid cf v juventus uefa champions league semi final

Gianluigi Buffon និយាយថា ឱ្យជឿសំដីគាត់ចុះ Paul Pogba នឹងបង្ហាញភាពអស្ចារ្យបំផុតនៅ Premier League

    អ្នកចាំទី Gianluigi Buffon បានចេញមកនិយាយរឿងមួយចំនួនអំពី Paul Pogba ហើយបានប្រាប់ទៅកាន់បិសាចក្រហម Manchester United ថា អ្នកទទួលបានកីឡាករដ៏ពិសេសម្នាក់ និងជាមិត្តរួមក្រុមដព៏ពិសេសម្នាក់ផងដែរ។

    វីរបុរសសេះបង្កង់ Juventus រូបនេះធ្លាប់ធ្វើជាប្រធានក្រុមរបស់ Pogba ក្នុងទីក្រុងតួរីន ហើយបានសង្កេតការវិវត្តន៍របស់គាត់ចាប់តាំងពីការធ្វើដំណើរមកដល់ក្នុងប្រទេសអ៊ីតាលីពីទឹកដី Old Trafford កាលដែលគាត់នៅវ័យជំទង់ក្នុងឆ្នាំ ២០១២។

    ខ្សែបម្រើកណ្តាលរូបនេះបានមកដល់ Serie A ជាមួយនឹងកេរ្តិ៍ឈ្មោះមិនទាន់ល្បីទេ បន្ទាប់ពីចាកចេញពីបិសាចក្រម ពេលដែលកុងត្រារបស់គាត់ជាមួយបិសាចក្រហមត្រូវផុតកំណត់ និងត្រូវបានចោទប្រកាន់ដោយ Sir Alex Ferguson ថា "មិនបានបង្ហាញការគោរព" ចំពោះក្លឹប។

    ប៉ុន្តែ Buffon ទទូចថា គាត់បានវិវឌ្ឍន៍ទៅជាកីឡាករអាជីពលំដាប់កំពូលពិតប្រាកដម្នាក់ចាប់តាំងពីពេលនោះមក ដែលឥឡូវបានក្លាយជាកីឡាករល្អបំផុតមួយរូបក្នុងពិភពលោក។

    Buffon បានបញ្ជាក់ទៅកាន់អ្នកសារព័ត៌មានថា "វា​អាច​ទៅរួច។ ជាមួយនឹងសំណាងវាគឺអាចទៅរួច។ ក្មេងប្រុសម្នាក់នេះគឺអ្នកចម្បាំងដ៏ខ្លាំងក្លាម្នាក់នៅលើទីលាន ប៉ុន្តែគាត់ក៏មានទេព្យកោសល្យខ្លាំងណាស់ដែរ"។

    គាត់បានបន្តទៀតថា "ការគ្រប់គ្រង់បាល់របស់គាត់ និងវិធីដែលគាត់អាចផ្លាស់ប្តូរយ៉ាងលឿនពីការការពារទៅប្រយុទ្ធគឺពិសេស ហើយសម្រាប់ពួកយើងវាពិតជាឈឺចាប់ដែលបាត់បង់គាត់។ ប៉ុន្តែជាការពិត ការសម្រេចចិត្តគឺនៅលើនាយក មិនមែនលើកីឡាករទេ។ ហើយគាត់នឹងបង្ហាញភាពអស្ចារ្យនៅទីនោះ”៕

ប្រភព៖ mirror

adverise with khmeread

មតិយោបល់