adverise with khmeread Untitled 1

Antoine Griezmann អាច​រត់ចោល Atletico Madrid មក EPL ដោយសារ David Beckham ជា Idol សំណព្វចិត្ត​

    ​Antoine Griezmann បានទទួល​ស្គាល់​កាលពី​ថ្ងៃអាទិត្យ​ថា គាត់​នឹង​ប៉ុនប៉ង​ផ្ទេរ​ចូល​ក្របខ័ណ្ឌ​លី​ក​កំពូល​អង់គ្លេស Premier League ប្រសិនបើ​គាត់​ចាក​ចេញពី Atletico Madrid​។​

​    ​ខ្សែប្រយុទ្ធ​ស្លាប​រូបនេះ​បាន​ខកចិត្ត​ទ្វេដង​ក្នុងអំឡុង​រដូវក្តៅ​នេះ ដោយ​បរាជ័យ​នៅ​វគ្គ​ផ្តាច់ព្រ័ត្រ Champions League ក្រោម​ដៃ Real Madrid ក្នុង​វគ្គ​ប៉េ​ណា​ល់​ទី​កាត់សេចក្តី មុន​ពេលដែល​ត្រូវ​បំបាក់​ដោយ​ព័​ទុយ​ហ្គា​ល់​ក្នុង​ម៉ោង​បន្ថែម​វគ្គ​ផ្តាច់ព្រ័ត្រ​នៃ​បាល់ទាត់​កំពូល​ទ្វីបអឺរ៉ុប Euro 2016 ជាមួយ​ប្រទេស​បារាំង​។​

​    ​Griezmann បានក្លាយ​ទៅជា​ផ្នែក​មួយ​នៃ​កីឡាករ​ដែលមាន​ទេពកោសល្យ​កំពូល​របស់​ពិភពលោក​នាពេល​បច្ចុប្បន្ន​នេះ​។ មាន​សេចក្តីរាយការណ៍​ជាច្រើន​អំពី​ក្រុមបាល់ទាត់​នៅ Premier League បានបង្ហាញ​ការចាប់អារម្មណ៍​ខ្ពស់​ក្នុងការ​ចុះហត្ថលេខា​ទិញយក​គាត់​។ Idol មួយរូប​របស់​តារាបាល់ទាត់​វ័យ ២៥​ឆ្នាំ​រូបនេះ អាចជា​ការបើកផ្លូវ​មួយ​ដល់​រូបគេ​ចូលរួម​ក្លឹប​មួយ​របស់​អង់គ្លេស​នាពេលខាងមុខ​។​

​    ​ដោយ​បញ្ជាក់​ទៅកាន់​កាសែត The Guardian គាត់​បាន​បង្ហើប​ឱ្យដឹងថា David Beckham គឺជា​មនុស្ស​មាន​ឥទ្ធិពល​បំផុត​សម្រាប់​គាត់ ដោយ​បញ្ជាក់ថា "​ខ្ញុំ​ចូលចិត្ត​គាត់​ខ្លាំងណាស់​។ គាត់​គឺជា​និមិត្តរូប​របស់ខ្ញុំ​។ នោះ​ហើយ​ដែលជា​ហេតុផល​ដែល​ខ្ញុំ​ពាក់​ឯកសណ្ឋាន​ដៃ​វែង និង​ពាក់​លេខ ៧"​។​

​    ​ខណៈដែល​គេ​ចោទសួរ​ពី​គំនិត​នៃ​ការផ្ទេរ​មក​ក្លឹប​កំពូល​អង់គ្លេស Griezmann មិនបាន​បដិសេធ​ឡើយ ដោយ​គាត់​បាន​បកស្រាយ​ថា "​ត្រឹមត្រូវ​ហើយ ហេតុអ្វី​មិនអាច​? ប្រសិនបើ​ខ្ញុំ​ផុតកំណត់​កុងត្រា​ជាមួយ Atletico ខ្ញុំ​នឹង​សួរ​ខ្លួនឯង​ជាមួយនឹង​សំណួរ​មួយ​នោះ​"៕

adverise with khmeread
ប្រភព៖ Daily Mail

មតិយោបល់