377866ab00000578 3751861 image a 40 1471808448458

អត់ Ronaldo និង​ជម្រើស​ជាច្រើន​នាក់​ទៀត ក៏ Real Madrid នៅតែ​ធ្វើ​បានល្អ ខណៈ Gareth Bale ស៊ុត​បាន ២ គ្រាប់​យប់មិញ​

    ​Gareth Bale បាន​ប្រើ​រយៈពេល​ត្រឹមតែ ៧២​វិនាទី​ប៉ុណ្ណោះ​ដើម្បី​ស៊ុត​គ្រាប់​បាល់​ដំបូង​របស់គាត់​ក្នុងការ​ប្រកួត​បើកឆាក​រដូវ​កាល​ថ្មី និង​បាន​បន្ថែម​គ្រាប់​បាល់​ទី​ពីរ​ជាមួយនឹង​ការទា​ត់បាល់​មួយ​ជើង​ចុងក្រោយ​របស់គាត់​នៃ​ការប្រកួត​ជាមួយ​ម្ចាស់ផ្ទះ Real Sociedad កាលពី​យប់​ថ្ងៃអាទិត្យ ខណៈដែល​អធិរាជ Real Madrid ចាប់ផ្តើម​យ៉ាង​ល្អឥតខ្ចោះ​ជាមួយ​ជ័យជម្នះ​ប្រកួត​ដំបូង​ក្នុង​លី​ក​កំពូល​អេ​ស្ប៉ា​ញ La LIga​។​

​     Marco Asensio បាន​ស៊ុត​គ្រាប់​បាល់​ផ្សេងទៀត​នៅក្នុង​លទ្ធផល​បញ្ចប់​ការប្រកួត ៣-០ ខណៈដែល​តារាបាល់ទាត់​យុវជន​វ័យ ២០​ឆ្នាំ​រូបនេះ បាន​ចាប់​ដៃគូ​ជាមួយ Bale ដែល​ដឹកនាំ​ការលេង​ក្នុង​ជួរ​ខាងលើ ហើយ​បានបញ្ជាក់​យ៉ាងច្បាស់​ថា អធិរាជ​ស មិន​ពឹង​តែ Cristiano Ronaldo ទេ​។​

​    ​Zinedine Zidane នឹង​អាច​ស្វាគមន៍​ការ​ត្រឡប់មកវិញ​របស់ Ronaldo នៅ​ចុង​សប្តាហ៍​នេះ​ក្នុងជំនួប​ជាមួយ Celta Vigo ប៉ុន្តែ​មិនចាំបាច់​ប្រញាប់​ពេក​ទេ ព្រោះ​ពេល​គ្មាន​ម្ចាស់​ជើងឯក​ពាន​អឺរ៉ុប​របស់​ពួកគេ​រូបនេះ រួមទាំង Pepe Luka Modric និង Karim Benzema, James Rodriguez និង Isco ស្ថិតនៅក្នុង​ក្រុម ក៏​ពួកគេ​ឈ្នះ Real Sociedad យ៉ាង​ងាយ​ដែរ​៕

ប្រភព៖ Daily Mail

មតិយោបល់