adverise with khmeread Shkodran mustafi and arsene wenger main

យុទ្ធនា​ការទិញ​កីឡាករ​៖ Arsenal ខំ​តថ្លៃ​ឱ្យទាប Valencia រឹត​បន្ថែម​តម្លៃ​ទុកឱ្យ​កាំភ្លើង​ធំ​គិត​ឈឺក្បាល​

    ​លោក Arsene Wenger ត្រូវគេ​ប្រាប់ថា​ត្រូវ​បង់ ៥០​លាន​ផោន សម្រាប់​ខ្សែការពារ​ក្រុម Valencia កីឡាករ Shkodran Mustafi​។​

​    ​ហើយ​ក្លឹប​អេ​ស្ប៉ា​ញ​មួយ​នេះ​កំពុងតែ​ព្យាយាម​រុញឱ្យ​ការចរចារ​កាន់តែ​លំបាក​ជាមួយ​កាំភ្លើង​ធំ Arsenal ដើម្បី​បង្កើន​សាច់ប្រាក់​ឱ្យបាន​គ្រប់គ្រាន់ ដើម្បី​បើក​ដំណើរការ​ដេញថ្លៃ​ផ្ទាល់ខ្លួន​របស់​ពួកគេ​សម្រាប់​ខ្សែប្រយុទ្ធ​ស្លាប​របស់​តោ​ខៀវ Chelsea កីឡាករ Pedro Rodriguez​។​

​    ​អ្នកចាត់ការ​ទូទៅ​ក្រុម​កាំភ្លើង​ធំ​រូបនេះ​បានសម្រេច​ចិត្ត​ដើរចេញ​ឆ្ងាយ​ពី Mustafi ដោយសារតែ​តម្លៃ​ថ្លៃ​ពេក ប៉ុន្តែ​កិច្ចព្រមព្រៀង​នេះ​អាច​នឹង​ធានាបាន ដោយសារតែ Valencia កំពុង​ត្រូវ​ការប្រាក់​ជា​ចាំបាច់​ដែរ​។​

​    ​អ្នក​តំណាងឱ្យ Arsenal លោក Dick Law បានធ្វើ​ដំណើរ​ទៅកាន់​ប្រទេស​អេ​ស្ប៉ា​ញ​ដើម្បី​ព្យាយាម​សម្របសម្រួល​កិច្ចព្រមព្រៀង​មួយ​នេះ ខណៈដែល Mustafi នៅតែ​ជា​ជម្រើស​ទីមួយ​របស់​ពួកគេ ប៉ុន្តែ Wenger គឺ​កំពុង​សម្លឹងមើល​ជម្រើស​ផ្សេងទៀត​ដែល​ថោក​ជាង​នេះ​។​

​    ​Jonny Evans របស់​ក្រុម West Brom ក៏​ស្ថិតនៅក្នុង​គោលដៅ​របស់​ពួកគេ​ផងដែរ ប៉ុន្តែ Tony Pulis បាន​ច្រានចោល​សំណើ​មួយ​នេះ ហើយក៏​មិន​ចង់​លក់​ខ្សែការពារ​រូបនេះ​សម្រាប់​តម្លៃ​មួយចំនួន​នោះដែរ​៕

adverise with khmeread
ប្រភព៖ Mirror

មតិយោបល់