Hawking 636053

រូប​វិទូ Stephen Hawking៖ យើង​សល់​ពេល​មិន​ដល់ ១០០ ឆ្នាំ​ទេ​ដើម្បី​សង្គ្រោះ​មនុស្សជាតិ​

    ​លោក Stephen Hawking ថ្មីៗ​នេះ​បាន​ព្រមាន​ថា ជាតិ​សាសន៍​មនុស្ស​នឹង​ជួប​គ្រោះថ្នាក់​បំផុត​ក្នុង​រយៈពេល ១០០ ទៀត​ក្នុង​ប្រវត្តិសាស្ត្រ​របស់ខ្លួន និង​ប្រឈម​ការតស៊ូ​ដើម្បី​ជីវិត​រស់រាន​។ 

​    ​រូប​វិទូ​ពោរពេញ​ដោយ​ទ្រឹស្តី​រូបនេះ​បានកំណត់​ការ​ស៊ើបការណ៍​សម្ងាត់​សិប្បនិម្មិត (AI) សង្គ្រាម​នុយក្លេអ៊ែរ និង វីរុស​បង្កើតឡើង​ដោយ​ហ្សែ​ន ជា​បញ្ហាបង្កើត​ដោយ​មនុស្ស ដែល​នឹង​បង្ក​ការគំរាមកំហែង​យ៉ាងច្បាស់​ក្រឡែត​ចំពោះ​មនុស្សជាតិ​។ 

​     បុរស​វ័យ ៧៤ ឆ្នាំ​រូបនេះ​និយាយថា ខណៈដែល​យើង​កំពុង​អភិវឌ្ឍ​ក្នុង​ផ្នែក​ទាំងនេះ​យ៉ាង​លឿន នោះ​ច្បាស់​ជា​នឹងមាន​អ្វីមួយ​ខុស​ប្រក្រតី​កើតឡើង​ជាមិនខាន​។ 

​    ​យើង​កំពុង​ស្ថិតនៅ​ចំណុច​មួយ​ក្នុង​ប្រវត្តិសាស្ត្រ ជា​កន្លែង​ដែល​យើង​ជាប់ "​អន្ទាក់​" ដោយសារ​ភាពទំនើបរ​បស់​យើង ខណៈដែល​មនុស្សជាតិ​កំពុង​ប្រឈម​ហានិភ័យ​ខ្លាំង​ឡើង​ពី​ការគំរាមកំហែង​បង្កឡើង​ដោយ​មនុស្ស (​នុយក្លេអ៊ែរ​...) ប៉ុន្តែ​ពុំមាន​បច្ចេកវិជ្ជា​ទំនើប​គ្រប់គ្រាន់​ដើម្បី​បញ្ចៀស​ផែនដី​ក្នុង​ហេតុការណ៍​មហន្តរាយ​ណាមួយ​ដែល​អាច​កើតឡើង​ជាយថាហេតុ (​ករណី​អាចម៍ផ្កាយ​វាយប្រហារ​)​។ 

​    ​លោក​បាន​ព្រមាន​ថា "​ទោះបី​ឱកាស​ដែល​មហន្តរាយ​បង្ក​មកលើ​ផែនដី​មាន​ទាប​ក៏ពិតមែន ប៉ុន្តែ​យូរៗ​ទៅ​ឱកាស​ទាំងនោះ​នឹង​ពូន​ផ្តុំ​បន្តិច​ម្តងៗ និង​ក្លាយជា​ការគំរាមកំហែង​យ៉ាងពិត​ប្រាកដ​នាពេល​១០០០​ឆ្នាំ​ឬ​១០ ពាន់​ឆ្នាំ​ខាងមុខ​។ នៅ​គ្រានោះ​យើង​ប្រហែល​ចាក​ចេញទៅ​លំហ​អាកាស និង​ធ្វើដំណើរ​ទៅ​រស់​នៅលើ​ភព​ផ្សេងទៀត​បាត់ទៅហើយ ដូច្នេះ​មហន្តរាយ​លើ​ផែនដី មិន​មានន័យថា ជាទី​បញ្ចប់​នៃ​មនុស្សជាតិ​នោះទេ​"​។ 

​    ​លោក​បន្តថា "​ទោះយ៉ាងណា យើង​នឹងមិន​អាចបង្កើត​អាណានិគម​ទ្រទ្រង់​ដោយ​ខ្លួនឯងបាន​យ៉ាងតិច​រាប់រយឆ្នាំ​បន្ទាប់​នោះទេ ដូច្នេះ​យើង​ត្រូវតែ​ប្រយ័ត្នប្រយែង​ក្នុងអំឡុងពេល​ដូច​របៀប​នោះ​"​។ 

​    ​លោក​បាន​បន្ថែមថា មនុស្ស​ពិតជា​មាន​ទេពកោសល្យ​ក្នុងការ "​សង្គ្រោះ​ពិភពលោក​" ទាន់ពេលវេលា និង​ជំរុញ​ឱ្យ​អ្នកវិទ្យាសាស្ត្រ​ដូចគ្នា​បន្ត​ព្យាយាម​បង្កើន​ភាពទំនើប​រឹតតែ​ខ្លាំង​ក្នុង​ជំនាញ​របស់ខ្លួន​។ 

​    ​លោក Hawking និយាយថា "​យើង​នឹងមិន​បញ្ឈប់​ការអភិវឌ្ឍ​ឱ្យ​ទំនើប ឬ​ត្រឡប់​ថយក្រោយ​ទេ ដូច្នេះ​យើង​ត្រូវតែទទួលស្គាល់​គ្រោះថ្នាក់​ទាំងនោះ និង​គ្រប់គ្រង​វា​ឱ្យ​បានល្អ​។ ខ្ញុំ​ជា​មនុស្ស​សុទិដ្ឋិនិយម ហើយ​ខ្ញុំ​ជឿថា​យើង​អាចធ្វើ​បាន​។ វា​ជាការ​សំខាន់​ណាស់​ដើម្បី​ធានាថា ការអភិវឌ្ឍ​បច្ចេកវិជ្ជា​ទំនើប​ទាំងនេះ​នឹង​ឆ្ពោះទៅរក​ទិសដៅ​ត្រឹមត្រូវ​"៕

ប្រភព៖ express

អ្នកនឹងចូលចិត្ត

មតិយោបល់