27fdf822103d6dd5408b4629831a8a58

កីឡាការិនី​អាមេរិក​និង​នូ​វែ​ល​សេ​ឡង់​ដែល​ជួយ​គ្នា​ក្នុងការ​ប្រកួត​ទទួលបាន​មេដាយ​ពិសេស​ពី​អូឡាំពិក​

    ​កីឡាក​រិ​នី​រត់ប្រណាំង​ចម្ងាយ ៥ គីឡូម៉ែត្រ​មកពី​នូ​វែ​ល​ហ្សេ​ឡង់ Nikki Hamblin និង​មកពី​អាមេរិក Abbey D'Agostino បានទទួល​មេដាយ​ពិសេស​ពី​អូឡាំពិក​សម្រាប់​ការជួយ​គ្នា​ក្នុង​គ្រា​មានទុក្ខ​លំបាក​។​

​    ​ពួកគេ​បានទទួល​មេដាយ Pierre de Coubertin ដែល​បានផ្ដល់​ត្រឹមតែ ១៧ ដង​ប៉ុណ្ណោះ​ក្នុង​ប្រវត្តិសាស្ត្រ​អូឡាំពិក​។​

​    ​នាង Hamblin បាន​រត់​ដួល​ក្នុង​វគ្គ​ពាក់កណ្ដាល​ផ្ដាច់ព្រ័ត្រ ហើយ​នាង D'Agostino សុខចិត្ត​មិន​ខ្វល់​ពី​ការដណ្តើម​មេដាយ ដោយ​ងាក​មកជួយ Hamblin​។​

​    ​នាង D'Agostino បាន​រត់​មកជួយ​នាង Hamblin និង​បាន​លើកទឹកចិត្ត​នាង​ឱ្យ​រត់​ទៅមុខ​ជាមួយ​នាង​។ ប៉ុន្ដែ​កីឡាការិនី​អាមេរិក​ជឿថា​ជង្គង់​របស់ Hamblin បាន​របួស​រហែ​កសរ​សៃ​ពួរ​ជើង ហើយ Hamblin បាន​ប្រាប់​កីឡាការិនី​អាមេរិក​ថា បន្ត​រត់ប្រណាំង​ទៀត​ទៅ​កុំ​ខ្វល់​ពី​នាង ប៉ុន្តែ D'Agostino មិន​ព្រម​រត់ចោល Hamblin ទេ​។​

​    ​ក្នុង​សេចក្ដី​ថ្លៃ​ង​ការណ៍​មួយ​របស់​គណៈកម្មាធិកា​រ​អូឡាំពិក​អន្តរជាតិ​បានឱ្យដឹងថា "​រឿង​របស់​កីឡាការិនី D'Agostino និង​Hamblin គឺជា​ទង្វើ​មនុស្សជាតិ​និង​ការលះបង់ ដែល​បាន​ថត​ជាប់​ក្នុង​បេះដូង​មនុស្ស​ជុំវិញ​សាកលលោក​"​។​

​    ​កីឡាការិនី Hamblin បាន​និយាយថា "​ការ​ឈ្នះ​រង្វាន់​នេះ​គឺ​រឿង​ប្រពៃ​ណាស់​។ ខ្ញុំ​មាន​មោទនភាព​នូវ​អ្វីដែល​យើង​បានធ្វើ ហើយ​ជឿជាក់ថា​អ្នក​អាចជា​អ្នកប្រកួតប្រជែង​ចិត្តល្អ​ផង និង​ចេះ​ជួយ​គ្នា​ក្នុងពេល​តែមួយ​ផង​។ អ្នក​ទាំងអស់គ្នា​មក​ទីនេះ​ដើម្បី​ប្រកួតប្រជែង ប៉ុន្ដែ​មាន​មនុស្ស​ច្រើនណាស់​មិនអាច​សម្រេច​ភាពជោគជ័យ​របស់ខ្លួន​បាន ហើយ​ការ​ដំណើរ​ប្រកួតប្រជែង​ជា​រឿង​សារៈសំខាន់​ណាស់ដែរ​។ ដំណើរ​ប្រកួតប្រជែង​នេះ​ជា​ព្រឹត្តិការណ៍​សំខាន់បំផុត​ក្នុង​ឆាកជីវិត​ខ្ញុំ​"៕

ប្រភព៖ Daily Telegraph

មតិយោបល់