adverise with khmeread Unnamed

ចាប់ជនសង្ស័យម្នាក់ប៉ុនប៉ងលួចទ្រព្យសម្បត្តិប្រគល់ឱ្យសមត្ថកិច្ច​ តែសមត្ថកិច្ចមិនខ្ចីប្រាប់អត្តសញ្ញាណ

    ភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋចាប់ប្រគល់ឱ្យប៉ូលិសប៉ុស្ដិ៍រដ្ឋបាលទឹកល្អក់ទី១ ​ដើម្បីចាត់ការតាមនីតិវិធី​បន្ទាប់ពីបិនប៉ងលួចទ្រព្យសម្បត្តិប្រជាពលរដ្ឋកាលពីវេលាម៉ោង១០យប់ថ្ងៃទី២២​ ខែសីហា​ ឆ្នាំ២០១៦​ នៅចំណុចផ្លូវ២៦៥​ កែងនិងផ្លូវកម្ពុជាក្រោម​
ស្ថិតក្នុងសង្កាត់ទឹកល្អក់ទី១​ ខណ្ឌទួលគោក។

    ប៉ូលិសនិយាយថា ជនរងគ្រោះជាម្ចាស់ផ្ទះឈ្មោះ រដ្ឋ​ ណា​ ភេទស្រី​ អាយុ៥៩ឆ្នាំ​ មុខរបរនៅផ្ទះ​ មានទីលំនៅផ្ទះជួលគ្មានលេខ​ ផ្លូវលេខ២៦៥​ សង្កាត់ទឹកល្អក់ទី១​ ខណ្ឌទួលគោក​ ។ ចំណែកជនសង្ស័យមិនស្គាល់អត្តសញ្ញាណទេ​។

    បើតាមសម្ដីស្ត្រីជនរងគ្រោះបានឱ្យដឹងថា​ នៅមុនពេលកើតហេតុ​ប្រហែលម៉ោង៩រូបគាត់ បានរៀបចំចាក់សោរម៉ូតូ និងសម្ភារៈមួយចំនួននៅក្រៅបន្ទាប់ដូចសព្វថ្ងៃ​ រួច​ហើយក៏នាំ កូនចៅចូលសម្រាកក្នុងផ្ទះហើយបានចាក់គន្លឹះបន្ទប់​ផងដែរ​។

    ខណៈពេលនោះស្រាប់តែមានក្មេងៗស្រែកប្រាប់ថា​ មានមនុស្សនៅក្រោមគ្រែមុខផ្ទះ​អើតលឺមៗ​ ភ្លាមនោះគាត់បានបើកទ្វារមកមើល ក៏ឃើញជនសង្ស័យរៀបនឹងធ្វើសកម្មភាពលួចទ្រព្យសម្បត្តិ​ ហើយពេលនោះប្ដីរបស់គាត់ក៏ចេញមកដែរ និងបានប្រតាយប្រតប់គ្នាទៅវិញទៅមក​។ប្រជាពលរដ្ឋឃើញដូច្នេះក៏នាំគ្នាចេញមកជួយម្នាក់មួយដៃមួយជើងហើយចាប់ប្រគល់ឱ្យសមត្ថកិច្ចតែម្ដង។

    ក្រោយកើតហេតុ​ភ្លាម​ សមត្ថកិច្ចមូលដ្ឋានបានចុះទៅដល់កន្លែងកើតហេតុនិងនាំជនសង្ស័យយកមកប៉ុស្តិ៍រដ្ឋបាលទឹកល្អក់ទី១​​ហើយស្ត្រីជនរងគ្រោះរួមជាមួយកូនស្រីរបស់គាត់ក៏បានទៅដាក់ពាក្យបណ្ដឹងផងដែរ។

    សូមបញ្ចាក់ថា​ ខណៈពេលដែលភ្នាក់ងារអ្នកយកព័ត៌មានយើងចុះទៅសុំថតរូបភាពជនសង្ស័យ​ តែបែរជាសមត្ថកិច្ចមិនសហការជាមួយ​ឡើយ​សូម្បីតែឈ្មោះក៏ប្រាប់ផង​៕

adverise with khmeread

មតិយោបល់