adverise with khmeread 377c792b00000578 0 image a 64 1471880636978

ញាក់សាច់​! អ្នកនេសាទ​ម្នាក់​រកឃើញ​គុជ​ខ្យង​ទម្ងន់ ៣៤ គីឡូក្រាម តម្លៃ ១០០ លាន​ដុល្លារ​ក្នុង​ខ្យង​គ្រែង​បាតសមុទ្រ​

    ​គុជ​ខ្យង​យក្ស​នេះ​អាច​ធំជាងគេ​ក្នុង​ពិភពលោក និង​មាន​ទំហំ​ធំ​ជាង ៥ ដង​នៃ​គុជ​ខ្យង​ជាប់​កំណត់ត្រា​មុនៗ បន្ទាប់ពី​អ្នកនេសាទ​ម្នាក់​បាន​រក​ឃើញ​វា​កាលពី ១០ ឆ្នាំមុន​។ នេះ​បើតាម​វេ​ប​សាយ Daily Mail កាលពី​ថ្ងៃទី ២២ សីហា​។​

​    ​អ្នកនេសាទ​សុំ​មិន​បង្ហាញ​អត្ត​សញ្ញា​របស់ខ្លួន​នេះ​បាន​រកឃើញ​គុជ​ខ្យង​ទម្ងន់ ៣៤ គីឡូ​មាន​អាយុ ១០ ឆ្នាំ​នៅក្នុង​បាតសមុទ្រ​នៅ​កោះ Palawan ប្រទេស​ហ្វីលីពីន​។​

​    ​បុរស​ម្នាក់នេះ​មិនបាន​ដឹងថា​គុជ​ខ្យង​នេះ​មានតម្លៃ ១០០ លាន​ដ​ល្លារ​នោះទេ ហើយ​គាត់​បាន​រក្សា​វា​ទុកជា​របស់​នាំ​សំណាង​នៅក្រោម​ផ្ទះ​របស់គាត់​អស់ ១០ ឆ្នាំ​មកហើយ​។​

​    ​ប៉ុន្ដែ​បន្ទាប់ពី​ភ្លើង​ឆេះ​ផ្ទះ​ថ្មីៗ​នេះ គាត់​បាន​បង្ខំចិត្ត​រើ​ទៅ​ស្នាក់នៅ​កន្លែង​ផ្សេង​។ អ្នកនេសាទ​នេះ​បាន​យក​គុជ​ខ្យង​នេះ​ប្រគល់ឱ្យ​ប៉ូលិស​ទេសចរណ៍​នៅ​ទីក្រុង Puerto Princesca ដោយ​ពួក​ប៉ូលិស​នោះ​ជឿថា​គុជ​ខ្យង​នេះ​ត្រូវបាន​រកឃើញ​ក្នុង​ខ្យង​គ្រែង​យក្ស​មួយ​។​

​    ​គុជ​ខ្យង​ដែលមាន​ទទឹង ០,៣០ ម៉ែត្រ និង​ប្រវែង ០,៦៧ ម៉ែត្រ​នេះ​មាន​ទំហំ​ធំ​ជាង​គុជ​ខ្យង​ធំ​បំផុត​សព្វថ្ងៃ​របស់​ពិភពលោក​ឈ្មោះថា Pearl of Allah ដែលមាន​ទម្ងន់ ៦,៤ គីឡូក្រាម​តម្លៃ ៣៥ លាន​ដុល្លារ​៕

ប្រភព៖ ដេលីមែល

adverise with khmeread

អ្នកនឹងចូលចិត្ត

មតិយោបល់