adverise with khmeread Article 3753369 377e7b7300000578 362 636x382

ឡាន​ចេះ​ហោះ​ពិត​ជាមាន​មែន​! ក្រុមហ៊ុន Pal-V ឥឡូវ​ចាប់ផ្តើម​ផលិត​ឡាន​ហោះ​ហើយ​

    ​កន្លងទៅ ៥០ ឆ្នាំ​មកហើយ​ដែល​គំនូស​ជី​វច​ល Jetsons ព្យាករណ៍​ជា​លើកដំបូង​ថា យើង​អាច​នឹង​នាំ​គ្រួសារ​ហោះហើ​លើ​អាកា​សបាន​។ 

​    ​ឥឡូវនេះ​ក្រុម​អ្នកជំនាញ​និយាយថា យើង​ជិត​ធ្វើឱ្យ​ក្តី​សុបិន​ក្លាយជា​ការពិតហើយ​។ ពួកគេ​បាន​ទស្សន៍ទាយ​ថា ឡាន​ចេះ​ហោះ​មាន​កៅអី​ពីរ​ឈ្មោះថា Pal-V One Helicycle ទំនងជា​ធ្វើឱ្យ​សុបិន​នេះ​ក្លាយជា​ការពិត​។ 

​    ​ថ្មីៗ​នេះ​ទស្សនា​វ​ដ្តី Maxim បានជ្រើសរើស​ក្រុមហ៊ុន PAL-V ថា​ជា​ក្រុមហ៊ុន​ដែល​ទំនង​នឹង​ចែកចាយ​ឡាន​ចេះ​ហោះ "​ពិតប្រាកដ​" មុនគេ​។ 

​     លោក Robert Dingemanse នាយក​ប្រតិបត្តិ​ក្រុមហ៊ុន PAL-V បាន​និយាយថា "​ពិតជា​ចាប់អារម្មណ៍​ណាស់​ដែល​ទស្សនា​វ​ដ្តី​មួយ​ជាមួយ​អ្នកអាន​ជិត ៩ លាន​នាក់​បានទទួល​ស្គាល់​ស្នាដៃ​ដែល​យើង​បានធ្វើ​ដើម្បី​បង្កើត​រថយន្ត​ចេះ​ហោះ ដែល​ស្របទៅតាម​ច្បាប់​ដែលមាន​ស្រាប់ និង មាន​សុវត្ថិភាព​ក្នុងការ​ហោះហើរ​"​។ 

​     លោក​សន្យា​នាំមក​នូវ "​អ្វីដែល​ថ្មី​ទំនើប​មក​ថែមទៀត​" នៅ​ច្រើន​ខែ​ខាងមុខ​ទៀត​នេះ ខណៈដែល​ក្រុមហ៊ុន​កំពុង​ចាប់ផ្តើម​ផលិត​ឡាន​ហោះ​ម៉ូ​ដែល PAL-V​។​

​     ក្រុមហ៊ុន​និយាយថា ឡាន​ចេះ​ហោះ​នេះ​មាន​ល្បឿន ១៨០ គីឡូម៉ែត្រ​ក្នុង​មួយ​ម៉ោង និង​អាច​ហោះ​បាន​ក្នុង​កម្ពស់ ១,២ គីឡូម៉ែត្រ​។ 

​    ​ឡាន​ហោះ​តែ ៩០ គ្រឿង​ប៉ុណ្ណោះ នឹងត្រូវ​ផលិតឡើង ក្នុងនោះ ២៥ គ្រឿង​គឺ​សម្រាប់​នាំចេញ​ទៅ​អាមេរិក និង​សល់​ប៉ុន្មាន​ទៀត​ទុក​ចែកចាយ​នៅ​អឺរ៉ុប​៕

ប្រភព៖ ដេលីមែល

adverise with khmeread

មតិយោបល់