adverise with khmeread 1

ពិភពលោកភ្ញាក់ផ្អើលក្រោយគ្រូបង្វឹកអង់គ្លេសថ្មីត្រៀមកោះហៅអតីតប្រធានក្រុមវ័យ ៣៥ឆ្នាំត្រឡប់មកវិញ

​    ​Sam Allardyce បាន​បើកទ្វារ​សម្រាប់ John Terry ដើម្បី​ធ្វើការ​វិលត្រឡប់​មកកាន់​ក្រុម​ជម្រើសជាតិ​តោ​កំណាច​អង់គ្លេស​វិញ​។​

​    ​អ្នកចាត់ការ​ថ្មី​របស់​អង់គ្លេស​រូបនេះ បានបង្ហាញ​ឱ្យដឹងថា​គាត់​នឹង​ទាក់ទង​ទៅ​ខ្សែការពារ​វ័យ ៣៥​ឆ្នាំ​ដែលជា​អតីត​ប្រធាន​ក្រុម​តោ​កំណាច Terry ដើម្បី​មើលថា​តើ​នឹង​ត្រៀមខ្លួន​រួច​ឬ​នៅ​ដើម្បី​វិលត្រឡប់​មកវិញ​។​

​    ​វា​នឹង​ជាការ​វិលត្រឡប់​ដ៏​គួរឱ្យ​ចាប់អារម្មណ៍​មួយ ដែល​បន្ទាប់ពី​ប្រធាន​ក្រុម​តោ​ខៀវ Chelsea រូបនេះ បាន​ចូលនិវត្តន៍​ពី​បាល់ទាត់​អន្តរជាតិ​កាលពី​បួន​ឆ្នាំមុន​កន្លងទៅ ក្នុង​នៅក្នុង​កាលៈទេសៈ​ដ៏​ជូរចត់​។​

​    ​Allardyce បានបញ្ជាក់​ទៅកាន់​អ្នកសារព័ត៌មាន​ថា "​ខ្ញុំ​មិនដឹងថា​នយោបាយ​បាល់ទាត់​មានន័យ​ដូចម្តេច​ទេ ប្រសិនបើ​មាន​ផ្នែក​នយោបាយ​មួយ​នៅក្នុង​នោះ​មែន​"​។

​    ​គាត់​បាន​បន្តទៀតថា "​ខ្ញុំ​នឹងមាន​ការសន្ទនា​មួយ​នោះ ប្រសិន​ខ្ញុំ​មាន​អារម្មណ៍​ថា John Terry អាចជា​លទ្ធភាព​មួយ​។ គាត់​ប្រហែលជា​អាចធ្វើ​បាន​។ ខ្ញុំ​គិតថា​វា​អាស្រ័យទៅលើ​អ្វីដែល Terry និយាយ​។ ប្រហែល​ប្រសិនបើ​ខ្ញុំ​ទទួលយក​ឱកាស​នេះ ខ្ញុំ​ប្រហែលជា​ត្រូវ​តេ​ទៅ​គាត់​។ ប៉ុន្តែ​រហូតដល់​ខ្ញុំ​ឈានទៅដល់​ការជ្រើសរើស​មួយ​នោះ ឬ​ដំណើរការ​មួយ​នោះ យើង​នឹង​រង់​ចាំមើល​លទ្ធផល​"៕

adverise with khmeread
ប្រភព៖ Mirror

មតិយោបល់