adverise with khmeread 57bb5a41ee600 vladsferryride

ពូ​ទីន​បញ្ជូន​គ្រឿង​ធ្វើសឹក​ទ្រង់ទ្រាយ​ធំ​មកកាន់​តំបន់​គ្រី​មេ​កៀក​ព្រំដែន​អ៊ុយ​ក្រែ​ន ក្នុង​បំណង​អ្វី​?

    ​វីដេអូ​របស់ CCTV បាន​ពីសា​ឡាង​មួយ​នៅ​ច្រក​សមុទ្រ Kerch  ដែល​ឆ្លងកាត់​ពី​ប្រទេស​រុស្ស៊ី​ឆ្ពោះទៅ​តំបន់​គ្រី​មេ បានបង្ហាញ​ពី​ការ​ចល័ត​សម្ភារៈ​សឹក​គ្រប់​ប្រភេទ​។ នេះ​បើតាម​វេ​ប​សាយ Daily Star កាលពី​ថ្ងៃទី ២២ សីហា​។ 

​    ​រថយន្ត​ដឹក​គ្រាប់ និង​ទាហាន​ត្រូវបាន​គេ​ប្រទះឃើញ​ប្រមូល​ផ្តុំគ្នា​ណែនណាន់តាន់តាប់​នៅ​ច្រក​សមុទ្រ​ដែល​ទុក​សម្រាប់តែ​ប្រើប្រាស់​ផ្នែក​ស៊ីវិល​។​

​    ​វីដេអូ​នេះ​ត្រូវបាន​បញ្ចេញ​ចំពេល​ភាព​តានតឹង​រវាង​រុស្ស៊ី​និង​អ៊ុយ​ក្រែ​ន​ជាមួយ​ការព្រួយបារម្ភ​ថា លោកពូ​ទីន​អាច​នឹង​ត្រៀម​ចាប់ផ្ដើម​វាយលុក​អតីត​រដ្ឋ​សូ​វៀត​មួយ​នេះ​។​

​    ​ប្រ​ធានា​ធីប​តី​អ៊ុយ​ក្រែ​ន​លោក Petro Poroshenkod បាន​ព្រមាន​ថា "​គាត់ (​ពូ​ទីន​) នឹង​មិនអាច​ដកចេញ​លទ្ធភាព​វាយលុក​នៅតាម​ព្រំដែន​ជាប់​អ៊ុយ​ក្រែ​ន​ឡើយ​"​។ 

​    ​កាលពី​ថ្មីៗ​នេះ​វេ​ប​សាយ Daily Star ក៏បាន​បង្ហាញ​វីដេអូ​មួយ​អំពី​ការដឹក​ជ​ញ្ចូ​ន​រថក្រោះ​នៅលើ​រថភ្លើង​ឆ្ពោះទៅ​តំបន់​គ្រី​មេ​ផងដែរ​។​

​    ​ឧ​ត្ត​ម​សេនីយ៍​អ៊ុយ​ក្រែ​ន​ក៏បាន​ព្រមាន​ផងដែរ​ថា រុស្ស៊ី​មាន​ទ័ព ៤ ម៉ឺន​នាក់​នៅតាម​ព្រំដែន ហើយ​ពួកគេ (​អ៊ុយ​គ្រែ​ន​) បារម្ភ​ថា​អាច​នឹងមាន​ការវាយប្រហា​រណា​មួយ​កើតឡើង​គ្រប់​វិនាទី​។​

​    ​ការព្រួយបារម្ភ​អំពី​ការវាយលុក​គឺមាន​កម្រិត​ខ្ពស់​មិន​ធ្លាប់មាន បន្ទាប់ពី​ពូ​ទីន ចោទប្រកាន់​អ៊ុយ​ក្រែ​ន​ជ្រើស​យក "​យុទ្ធវិធី​ភេរវកម្ម​" បន្ទាប់ពី​ភ្នាក់ងារ​ស៊ើប​ការសម្ងាត់​របស់​រុស្ស៊ី​រកឃើញថា​មាន​ផែន​ការធ្វើ​ភេរវកម្ម​គាំទ្រ​ដោយ​រដ្ឋាភិបាល​ក្រុង​គៀវ​នៅ​តំបន់​គ្រី​មេ​។​

​    ​លោក Mikhail Samus នាយករង​សម្រាប់​កិច្ចការ​អន្តរជាតិ​មាន​មូលដ្ឋាន​នៅ​មជ្ឈមណ្ឌល Centre for Army ក្រុង​គៀវ បាន​និយាយថា "​យើង​ឃើញ​វា​ជាការ​គំរាមកំហែង​ពិតប្រាកដ​មួយ​។ ពូ​ទីន​កំពុង​គ្រប់គ្រង​ស្ថានការណ៍ ហើយ​ធ្វើឱ្យ​ស្ថានការណ៍​នេះ​កាន់តែ​គ្រោះថ្នាក់​ខ្លាំង​ឡើង​"​។​

​    ​មេ​យោធា​កំពូល​របស់​រុស្ស៊ី​នៅ​ក្រសួងការពារជាតិ​បាន​និយាយថា សមយុទ្ធ​ដែល​កំពុង​ធ្វើឡើង​សព្វថ្ងៃនេះ​គឺជា​ផ្នែក​មួយ​នៃ​សមយុទ្ធ​ពង្រឹងសមត្ថភាព​កងទ័ព​ដែល​ធ្វើ​ឡើងជា​ទម្លាប់​ទៅហើយ​។​

​    ​ពួកគេ​និយាយថា​ទ័ព ២.៥០០ នាក់ និង​រថយន្ត ៣៥០ គ្រឿង​បាន​នាំទៅ​តំបន់​គ្រី​មេ​។ តំបន់​គ្រី​មេ​ត្រូវបាន​រុស្ស៊ី​កាន់កាប់​តាំងពី​ឆ្នាំ ២០១៤ មកម្ល៉េះ​៕

ប្រភព៖ ដេលីស្ដា

adverise with khmeread

មតិយោបល់