adverise with khmeread Feature image

មនុស្ស​ជោគជ័យ​និង​មានអំណាច​សុទ្ធ​តែមាន​អក្សរ "M" លើ​បាតដៃ​?​

​    ​វិជ្ជា​ទាយ​បាតដៃ​គឺជា​ទំនៀមទម្លាប់​ដែល​គេ​ឃើញ​ជាទូទៅ​នៅ​កន្លែង​ខុសៗ​គ្នា​នៅ​តំបន់​អឺ​រ៉ាស៊ី (​អឺរ៉ុប​និង​អាស៊ី​)​។ វិជ្ជា​នេះ​ត្រូវបាន​គេ​យកមកអនុវត្ត​នៅក្នុង​វប្បធម៌​ឥណ្ឌា ទី​បេ​តិ៍ ចិន តំបន់​ឈូង​សមុទ្រ​ពែ​ក្ស អ៊ីស្រាអែល​បុរាណ និង​តំបន់​បា​ប៊ី​ឡូ​ន (​អ៊ីរ៉ាក់​បច្ចុប្បន្ន​)​។​

​    ​សូម្បី​លោក​អា​រី​ស្តូ​ត​ក៏​ចាប់អារម្មណ៍​ក្នុង​វិជ្ជា​ទាយ​បាតដៃ​នេះដែរ និង​បាន​ផ្ទេរ​ចំណេះ​នេះ​ដល់​ស្តេច​ម៉ា​សេ​ដូ​នី ព្រះនាម អា​ឡិច​សង់​ដ័​រ ថែម​ទៀតផង​។ ព្រះរាជា​អង្គ​នេះ​តែងតែ​ប្រើ​វិជ្ជា​នេះ​ដើម្បី​វិនិច្ឆ័យ​ច​រិ​ក​លក្ខណៈ​របស់​មន្ត្រី​យោធា​របស់​ទ្រង់ និង​បាន​ពិនិត្យមើល​ដោយផ្ទាល់​ព្រះ​នេ​តរបស់​ទ្រង់​ទៀតផង​។ ការពិនិត្យ​បាតដៃ​នេះ​ច្បាស់​ជា​អាចជួយ​ដល់​ទ្រង់​ច្រើនណាស់ ព្រោះ​ក្នុង​ចម្បាំង​ឥត​ឈប់​រយៈពេល ១៥ ឆ្នាំ ព្រះអង្គ​មិនដែល​បរាជ័យ​ក្នុង​សមរភូមិ​ណាមួយ​ឡើយ​។

​    ​មនុស្ស​ភាគច្រើន​ប្រហែលជា​ពុំ​សូវ​ជឿ​រឿងនេះ​ទេ ហើយ​ហេតុផល​គឺថា​ប្រហែល​មកពី​ពួកគេ​មិន​យល់​ពី​វិជ្ជា​មើល​បាតដៃ​នេះ​តែម្តង​។ វិជ្ជា​ទាយ​បាតដៃ​តែងតែ​ត្រូវបាន​គេ​យកទៅ​បកស្រាយ​ខុស​នៅក្នុង​សៀវភៅ ភាពយន្ត និង​កម្មវិធី​ទូរទស្សន៍​។

​    ​ខ្សែលើ​បាតដៃ​អាច​ប្រាប់​យើង​ឱ្យដឹងពី​ច​រិ​ក​លក្ខណៈ និង​ជោគវាសនា​។ ប៉ុន្តែ​អ្នក​ដែលមាន​ខ្សែ​បាតដៃ​រាង​អក្សរ "M" គឺមាន​លក្ខណៈពិសេស​ជាងគេ​។ តាម​ក្បួន​ទស្សន៍ទាយ​បាតដៃ មនុស្ស​ដែលមាន​បាតដៃ​បែបនេះ​គឺមាន​ញាណ​ពិសេស​ប្លែក​គេ​ពី​កំណើត និង​ជា​ដៃគូ​ដ៏​អស្ចារ្យ​ក្នុង​មុខ​ជំនួញ​ទាំងឡាយ​។

​    ​ប្រសិនបើ​មនុស្ស​ជាទី​ស្រឡាញ់​របស់​អ្នកមាន​អក្សរ M លើ​បាតដៃ អ្នក​ច្បាស់​ជា​ដឹង​រឿង​មួយ​ដូច​ថ្ងៃ នោះ​គឺ នាង ឬ​គាត់​នឹង​តែង​ចាប់បាន​ជានិច្ច​នៅពេល​អ្នក​និយាយ​កុហក ឬ​ផិតក្បត់​។

​    ​អារម្មណ៍​នៃ​វិញ្ញាណ​ទី ៦ នេះ​គឺមាន​ភាពខ្លាំង​ក្លា​ចំពោះ​ស្ត្រី ដែលមាន​បាត​អក្សរ M ជាង​ចំពោះ​បុរស ប៉ុន្តែ​វា​ក៏​អាស្រ័យ​លើ​បុគ្គល​ម្នាក់ៗ​ដែរ​។

​    ​មនុស្ស​ទាំងនេះ​មានអំណាច​ក្នុងការ​ផ្លាស់ប្តូរ​រាល់​អ្វីដែល​ពួកគេ​ត្រូវការ​ក្នុង​ជីវិត ហេតុ​ដូច្នេះហើយ​ទើបបានជា​ពួកគេ​ពូកែ​ឆក់យក​ឱកាស​ណាស់​ក្នុង​ជីវិត​របស់​ពួកគេ​។

​    ​យោងតាម​រឿងព្រេង​បុរាណ រាល់​បុព្វ​ជិត​ទាំងអស់​គឺ​សុទ្ធ​តែមាន​អក្សរ M នៅលើ​បាតដៃ ហើយ​ប្រសិនបើ​អ្នកជា​ផ្នែក​មួយ​នៃ​ក្រុមមនុស្ស​ដែលមាន​បាតដៃ​អក្សរ M នោះ​អ្នក​ច្បាស់​ជាម​នុស្ស​ដ៏​ពិសេស​ណាស់​៕

adverise with khmeread
ប្រភព៖ ហ៊ែលធីបផតថល

មតិយោបល់