adverise with khmeread 0036c7c600000258 3754717 image a 90 1471960045420

ព្រះ​ចន្ទ​ក្រហម​នៅ​ខែក្រោយ​នេះ​នឹង​បង្កបញ្ហា​ដល់​ផែនដី​?

    ​នេះ​គឺជា​ឆ្នាំ​មួយ​របស់​ពួក​អ្នក​ជឿ​លើ​ថ្ងៃ​អវសាន​ពិភពលោក​។ ទើបតែ​ខែ​មុននេះ ពួកគេ​ភ័យព្រួយ​ថា ការមកដល់​ជា​លើក​ទី ២ របស់​ព្រះ​យ៉េ​ស៊ូ​នឹង​ធ្វើឱ្យ​ក្រឡាប់ចាក់​ប៉ូល​ម៉ាញ៉េទិក​របស់​ផែនដី​។ 

​    ​ឥឡូវ​ទ្រឹស្តី​ថ្មី​លើកឡើងថា ផែនដី​អាច​នឹង​បញ្ចប់​ដោយ​ភព​លាក់ខ្លួន​មួយ ដែល​កំពុង​បោះពួយ​ឆ្លងកាត់​ប្រព័ន្ធ​សុរិយគតិ​របស់​យើង​ហៅថា ភព Nibiru​។​

​    ​ពួក​អ្នក​ទ្រឹស្តី​ទាំងនោះ​អះអាងថា អ្នកវិទ្យាសាស្ត្រ និង​រដ្ឋាភិបាល​លើ​ពិភពលោក​បាន​កំពុង​លាក់បាំង​ថ្ងៃ​អវសាន​ដែល​ជិត​មកដល់​នេះ នៅពេល​ព្រះ​ចន្ទ​ក្រហម​បង្ហាញខ្លួន​នៅ​ដើមខែ​ក្រោយនេះ​។ 

​    ​វីដេអូ​មួយ​បាន​លេច​ឡើងលើ​វេ​ប​សាយ YouTube ដោយ​អះអាងថា​ថត​បាន​រូបភាព​ភព​អា​ថ៍កំ​បាំង​មួយ​នៅក្បែរ​ព្រះ​ចន្ទ​ក្រហម​ដូច​ឈាម ដែល​ពួកគេ​និយាយថា​ជាការ​កត់សម្គាល់​អំពី​ទីបញ្ចប់​របស់​ផែនដី​។ 

​    ​ជាច្រើន​ឆ្នាំ​មកនេះ ក្រុម​អ្នក​ទ្រឹស្តី​បាន​អះអាងថា ភព Nibiru ឬ ភព Planet X នឹង​បង្ក​វិនាសកម្ម​លើ​ផែនដី​។ 

​    ​ប៉ុន្តែ នេះ​គឺជា​ទ្រឹស្តី​ដំបូង​ហើយ​ដែល​ផ្សាភ្ជាប់​ភព Nibiru ទៅនឹង​ព្រឹត្តិការណ៍​ព្រះ​ចន្ទ​ក្រហម ដោយ​ពួកគេ​អះអាងថា អ្វីដែល​គួរ​បន្ទោ​សគឺ​ភព Nibiru​។​

​     ព្រះ​ចន្ទ​ក្រហម​បង្កឡើង​ដោយ​ពន្លឺព្រះអាទិត្យ ដែល​ឆ្លងកាត់​បរិយាកាស​ផែនដី រួច​បំបែរទិស​ក្នុង​របៀប​មួយ​នេះ ដែល​ពណ៌​បៃតង​និង​ពណ៌​ស្វាយ​ត្រូវបាន​បាចសាច​ខ្លាំងក្លា​ជាង​ពណ៌​ក្រហម ដោយ​ទុកឱ្យ​ពណ៌​ក្រហមរ​ត់ទៅ​ផ្ទៃ​ព្រះ​ចន្ទ​។​

​    ​តាំងពី​ឆ្នាំ ២០១៤ មក គេ​ឃើញ​មាន​ព្រះ​ចន្ទ​ក្រហម​ច្រើនដង ដែល​នេះ​ជា​រឿង​កម្រ​បានឃើញ​ណាស់​ក្នុង​រយៈពេល ២០០០ ឆ្នាំ​មកនេះ​។ 

​    ​វីដេអូ​ថ្មី បង្ហោះ​ដោយ​ឆា​នែ​ល YouTube ឈ្មោះ Nibiru Planet X 2016 លើកឡើងថា ព្រះ​ចន្ទ​ក្រហម​គឺ​ពិតជា​ស្រមោល​របស់​ភព Nibiru ខណៈដែល​វា​បោះពួយ​មក​ជិត​ផែនដី​។ 

​    ​វីដេអូ​នេះ​លើកឡើងថា "​វីដេអូ​ដែល​អ្នកនឹង​ចុច​មើល​នេះ​នឹង​ផ្លាស់ប្តូរ​អ្វីៗ​ទាំងអស់​ដែល​អ្នក​ធ្លា​ប់រៀន និង​អ្វីៗ​ដែល​អ្នក​ធ្លាប់​ជឿ​។ នេះ​នឹង​បង្ហាញ​អ្នក​អំពី​មូលហេតុ​ពិត ដែល​ព្រះ​ចន្ទ​ប្រែ​ទៅជា​ពណ៌​ក្រហម​...​នេះ​គឺ​ព្រោះ​ភព Nibiru កំពុង​នៅក្បែរ​វា និង​ជះ​ស្រមោល​ពណ៌​ក្រហម​មកលើ​ព្រះ​ចន្ទ​"​។ 

​    ​លំហូរ​ថាមពល​របស់​ភព Nibiru នឹង​រំខាន "​លំហូរ​ស្នូល​" របស់​ផែនដី និង​បង្កឱ្យមាន​ការប្រែប្រួល​អាកាសធាតុ​ផែនដី​ប្រកបដោយ​គ្រោះថ្នាក់​៕

ប្រភព៖ Dailymail

adverise with khmeread

មតិយោបល់