adverise with khmeread 1

​ចិន​នឹង​បញ្ជូន​យាន​ស្រាវជ្រាវ​ទៅ​ភព​អង្គារ​ក្នុង​ឆ្នាំ ២០២០

​    ​កាលពី​ថ្ងៃ​អង្គារ​ម្សិលមិញ ចិន​បាន​បញ្ចេញ​រូបភាព​យានអវកាស​និង​យាន​សម្រាប់ធ្វើ​បេសកកម្ម​លើ​ភព​អង្គារ​ដែល​ប្រទេស​នេះ​មាន​គម្រោង​ប​ញ្ចូ​ន​វា​ទៅ​ភព​ក្រហម​នៅ​រយៈពេល ៥ ឆ្នាំ​ខាងមុខ​ទៀត​។​

​    ​លោក Zhang Rongqiao ប្រធាន​ស្ថាបត្យករ​នៃ​គម្រោង​បេសកកម្ម​ភព​អង្គារ​បាន​និយាយ​នៅក្នុង​ស​ន្និសិទ​កាសែត​នៅ​ទីក្រុង​បេ​កាំ​ង​ថា ចិន​មាន​គម្រោង​ប​ញ្ចូ​ន​យានអវកាស​ទៅក្នុង​គន្លង​ភព​អង្គារ ធ្វើការ​ចុះចត​និង​ដាក់​យាន​សម្រាប់ធ្វើ​បេសកកម្ម​នៅ​ខែកក្កដា​ឬ​សីហា ឆ្នាំ ២០២០ ខាងមុខ​។ គាត់​បាន​និយាយទៀតថា "​ការ​ប្រឈម​ដែល​យើង​នឹង​ជួប​គឺ​មិនអាច​ដឹង​មុន​បានទេ​"​។​

​    ​រូបភាព​ដែល​បាន​បញ្ចេញ​កាលពី​ថ្ងៃ​អង្គារ​បង្ហាញ​អំពី​ឧបករណ៍​មួយ​ជាមួយ​កង់​ចំនួន ៦ និង​គាំទ្រ​ថាមពល​ដោយ​បន្ទះ​សូ​ឡា​ចំនួន ៤ ដែល​នេះ​លើសពី​យាន​ដែល​បញ្ចូនទៅ​ឋាន​ព្រះ​ចន្ទ​ដល់​ទៅ ២ ផ្ទាំង​។​

​    ​មាន​ទម្ងន់​ជាង ២០០ គីឡូក្រាម យាន​នេះ​ត្រូវបាន​រចនា​ឡើង​ដើម្បី​ធ្វើ​បេសកកម្ម​រយៈពេល​បី​ខែ (​ខែ​ភព​អង្គារ​)​។ នេះ​បើ​យោងតាម​លោក Sun Zezhou ប្រធាន​រចនា​យានអវកាស​។​

​    ​រីឯ​ផ្នែក​របស់​យាន​នេះ​វិញ នឹង​ដឹកជញ្ជូន​ឧបករណ៍​ចំនួន ១៣ គ្រឿង​ដែលមាន​ដូចជា​កាមេរ៉ា​ថត​ចម្ងាយ​ឆ្ងាយ​មួយគ្រឿង និង ប្រព័ន្ធ​រ៉ា​ដា​ឆ្លុះ​ទម្លុះ​ដី ដែល​អាច​ប្រើប្រាស់​ដើម្បី​សិក្សា​អំពី​ដី បរិស្ថាន និង​បរិយាកាស​ភព​អង្គារ ព្រមទាំង​ទីវាល​ជាក់ស្តែង​លើ​ភព​នេះ ការចែក​ចាយ​ទឹក​និង​ទឹកកក និង​ស្រទាប់​ខាងក្នុង​របស់​វា​៕

 

adverise with khmeread
ប្រភព៖ CCTV

អ្នកនឹងចូលចិត្ត

មតិយោបល់