0

Bastian Schweinsteiger ធ្វើឱ្យ Jose ឈឺក្បាល បន្ទាប់ពីបដិសេធផ្ទេរចេញពីក្លឹប

Bastian Schweinsteiger បានធ្វើឱ្យ Jose Mourinho មានការ​ថ្នាំងថ្នាក់​ចិត្ត​មិន​ស្ទើរ​នោះឡើយ បន្ទាប់ពី​គាត់​បាន​បដិសេធ​ចុះហត្ថលេខា​លេង​ឱ្យ​ក្លឹប​ផ្សេង​ក្នុង​តំប់​អឺរ៉ុប​។​

​    ​បិសាច​ក្រហម Manchester United កំពុង​ជួប​ការលំបាក​ដើម្បី​ជម្រុះ​ចោល​ខ្សែបម្រើ​ជើងចាស់​រូបនេះ ដែល​ត្រូវបាន​និរទេស​ចេញពី​ឈុត​ដំបូង​ដោយ Jose បន្ទាប់ពី​រូបគេ​មិន​ជាប់​ក្នុង​គម្រោង​របស់​អ្នកចាត់ការ​ថ្មី​របស់គាត់​។​

​    ​តារាបាល់ទាត់​ដែលមាន​បទពិសោធន៍​ខ្ពស់​ក្នុង​ឈុត​បាល់ទាត់​អន្តរជាតិ​អាល្លឺម៉ង់​រូបនេះ ត្រូវបាន​បញ្ជា​ឱ្យទៅ​ធ្វើការ​ហ្វឹកហាត់​ជា​មួយឈុត​បម្រុង ខណៈដែល​គាត់​ព្យាយាម​ស្វែងរក​ក្លឹប​ផ្សេងទៀត​ដើម្បី​ស្នាក់នៅ ប៉ុន្តែ​គ្មាន​ជម្រើស​ដទៃ​សម្រាប់​តារាបាល់ទាត់​ជើងចាស់​វ័យ ៣២​ឆ្នាំ​រូបនេះ​ឡើយ​។​

​    ​ជាមួយនឹង​កុងត្រា​នៅសល់​រយៈពេល​ពីរ​ឆ្នាំ​ក្នុង​កិច្ចព្រមព្រៀង​ជាមួយ​ប្រាក់​ឈ្នួល​តម្លៃ ២០​ម៉ឺន​ផោន​ក្នុង​មួយ​សប្តាហ៍  Schweinsteiger នឹង​ចំណេញ​ប្រាក់ ១០,៤​លាន​ផោន​ក្នុង​មួយឆ្នាំ ហើយ​វា​បាន​ក្លាយទៅជា​ការចំណាយ​ដ៏​គ្មាន​បានការ​មួយ ដែល​ពួកគេ​កំពុង​អស់សង្ឃឹម​ដើម្បី​បន្ធូរបន្ថយ​បញ្ជីចំណាយ​របស់ខ្លួន​។​

​    ​ប៉ុន្តែ​ខណៈដែល​ក្លឹប​មួយចំនួន​តូច​បាន​បើកទ្វារ ឬ​មាន​ឆន្ទៈ​ដើម្បី​ផ្តល់ជូន​តម្លៃ​ឈ្នួល​ដ៏​ខ្ពស់​របស់គាត់  តារាបាល់ទាត់​រូបនេះ​បានបញ្ចប់​ក្តីសង្ឃឹម​ទាំងនោះ​វិញ ដោយ​គាត់​និយាយថា​គាត់​មិនមាន​ចំណាប់អារម្មណ៍​ក្នុងការ​ដោះដូរ​ទៅកាន់​ក្លឹប​ដទៃទៀត​ក្នុង​តំបន់​អឺរ៉ុប​នោះឡើយ​។​

​    ​Schweinsteiger ត្រូវបាន​ទិញយក​ដោយ​បិសាច​ក្រហម​ពី Bayern Munich សម្រាប់​តម្លៃ​ខ្លួន ៦​លាន​ផោន​កាលពី​ទីផ្សារ​រដូវក្តៅ​មុន បានបញ្ជាក់​នៅលើ​បណ្តាញ​សង្គម Tweeter របស់គាត់​ថា "MUFC នឹង​ជា​ក្លឹប​ចុងក្រោយ​របស់ខ្ញុំ​ក្នុង​អឺរ៉ុប​"​។​

​    ​គាត់​បាន​បន្តទៀតថា "​ខ្ញុំ​គោរព​ក្លឹប​ដទៃទៀត ប៉ុន្តែ Manchester United គឺជា​ក្លឹប​តែមួយគត់​ដែល​អាចធ្វើឱ្យ​ខ្ញុំ​ចាក​ចេញពី Bayern Munich​។ ខ្ញុំ​នឹង​ត្រៀមខ្លួន​ជាស្រេច ប្រសិនបើ​ក្រុម​ត្រូវការ​ខ្ញុំ​។ នេះ​គឺជា​អ្វីៗ​ទាំងអស់​ដែល​ខ្ញុំ​អាច​និយាយ​ពី​ស្ថានភាព​បច្ចុប្បន្ន​របស់ខ្ញុំ​។ ខ្ញុំ​ចង់​អរគុណ​ទៅដល់​ប្រិយមិត្ត​សម្រាប់​ការគាំទ្រ​ដ៏​អស្ចារ្យ​ក្នុង​រយៈពេល​ប៉ុន្មាន​សប្តាហ៍​ចុងក្រោយ​នេះ​"៕

 

ប្រភព៖ Mirror

មតិយោបល់