adverise with khmeread 1

Daniel Sturridge សម្តែងការខកចិត្តដែលលេងមិនត្រូវតំបន់របស់ខ្លួន

    ​Daniel Sturridge បាន​បង្ហើប​ឱ្យដឹងថា គាត់​មានការ​ខកចិត្ត​ទៅលើ​ការសម្រេចចិត្ត​របស់ Jurgen Klopp ដែល​បដិសេធ​មិនឱ្យ​គាត់​លេង​ក្នុងតួនាទី​ខ្សែប្រយុទ្ធ​កណ្តាល​ចំ​តួ​។​

​    ​តារាបាល់ទាត់​អន្តរជាតិ​អង់គ្លេស​រូបនេះ​បាន​ទទូចថា ខ្លួន​បាន​ត្រៀមខ្លួន​ជាស្រេច​ដើម្បី "​ធ្វើ​ការងារ​សម្រាប់​ក្រុម​" ដោយ​បំពេញ​តួនាទី​ក្នុង​ទីតាំង​ផ្សេង​ពី​ទីតាំង​ដើម​របស់គាត់​សម្រាប់​ហង្ស​ក្រហម Liverpool ប៉ុន្តែ​គាត់​បាន​បន្ថែមទៀតថា "​ទាំងនោះ​មិនមែន​បញ្ជាក់ថា​ខ្ញុំ​រីករាយ​ដើម្បី​ធ្វើ​វា​នោះឡើយ​"​។​

​     ភាព​តានតឹង​បញ្ចេញ​ទាំង​កម្រោល​របស់ Sturridge ដែល​បញ្ជាក់​យ៉ាងច្បាស់​ពី​ស្ថានភាព​របស់គាត់​នៅលើ​ទឹកដី Anfield បាន​ក្លាយទៅជា​ភស្តុតាង បន្ទាប់ពី​គាត់​បាន​ដើរចូល​ទីលាន​ពី​កៅអី​បម្រុង​ដោយ​ស៊ុត​បញ្ចូល​ទី​ចំនួន​ពីរ​គ្រាប់​ក្នុងការ​ប្រកួត​ជ័យជម្នះ ៥-០ ក្នុង​ដំណើរ​ប្រជែង​ពាន​ខាប់​ក្នុងស្រុក League Cup នៅលើ​ទឹកដី​ក្រុម Burton កាលពី​យប់​ថ្ងៃ​អង្គារ​កន្លងទៅ ដែល​បន្ទាប់មក​គាត់​បាន​និយាយ​សង្ខេប​អំពី​តួនាទី​បច្ចុប្បន្ន​របស់គាត់​។​

​    ​អ្នកចាត់ការ​ទូទៅ​ក្រុម​ហង្ស​ក្រហម​បាន​ជំនួស​ខ្សែបម្រើ​ប្រយុទ្ធ Roberto Firmino លេង​ជា​ខ្សែប្រយុទ្ធ​កណ្តាល​នៅក្នុង​តំបន់​ដែល​គាត់​ចាប់​អាជីព ហើយ Sturridge បាន​បញ្ជាក់ថា "​ត្រឹមត្រូវ​ហើយ ខ្ញុំ​នឹងត្រូវ​ធ្វើ​ការងារ​សម្រាប់​ក្រុម​"​។​

​    ​គាត់​បាន​បន្តថា "​ទាំងនោះ​មិនមែន​បញ្ជាក់ថា​ខ្ញុំ​រីករាយ​ដើម្បី​ធ្វើ​វា​នោះឡើយ​។ ទាំងនោះ​បញ្ជាក់ថា​ខ្ញុំ​ត្រូវធ្វើ​ការងារ​សម្រាប់​ក្រុម​។ វា​គឺជា​ប្រកួត​ជា​ក្រុម​មួយ ដែល​ប្រសិនបើ​ខ្ញុំ​ត្រូវបាន​គេ​ដាក់​ក្នុង​តំបន់​នោះ ខ្ញុំ​ត្រូវ​លេង​នៅ​ទីនោះ​។ ពេលដែល​អ្នកលេង​ក្នុង​តំបន់​មួយ​ដែល​មិនមែនជា​តំបន់​របស់​អ្នក វា​គឺ​ខុសប្លែក​ពីគ្នា​។ វិធី​ដែល​អ្នក​បំលាស់​ទី វិធី​ដែល​អ្នកលេង វា​គឺ​ខុសប្លែក​ទាំងស្រុង​។ អ្នក​មិន​អាចមាន​ទម្រង់​លេង​ដូចគ្នា​ទៅនឹង​ទម្រង់​ដើម​ជា​ខ្សែប្រយុទ្ធ​របស់ខ្លួន​ឡើយ ប្រសិនបើ​អ្នកលេង​នៅ​តួនាទី​ផ្សេង​"៕

adverise with khmeread
ប្រភព៖ Mirror

មតិយោបល់