adverise with khmeread 1

ប៉ូលិសចាប់ខ្លួនម្ចាស់ហាង "រតនៈរចនាម៉ូដ" វាយតាម៉ូតូកង់បីបាក់ដៃ

    ភ្នំពេញ ៖ ជនដៃដល់ជាម្ចាស់ហាង "រតនៈរចនាម៉ូដ" ដែលបានប្រើហិង្សាវាយទៅលើតារត់ម៉ូតូកង់រហូតបាក់ដៃកាលពីយប់ថ្ងៃទី២៣​ សីហានោះ ត្រូវបានប៉ូលិសខណ្ឌចំការមនចាប់ខ្លួនបានហើយ នៅវេលាម៉ោង១រសៀលថ្ងៃទី២៤ សីហា ឆ្នាំ២០១៦កន្លងទៅនេះ។

    ប៉ូលិសខណ្ឌចំការមនបានឱ្យដឹងនៅព្រឹកថ្ងៃទី២៥ សីហានេះថា ជនល្មើសឈ្មោះ ពៅ រតនៈ ហៅប្រុស អាយុ៣០ឆ្នាំ ស្នាក់នៅផ្ទះលេខ៦៣៨ ផ្លូវ២៧១ សង្កាត់ផ្សារដើមថ្កូវ ខណ្ឌចំការមន។ ជននេះបានសារភាពហើយថា ខ្លួនពិតជាបានវាយជនរងគ្រោះរហូតបាក់ដៃមែនក្រោយ​ ឈ្លោះគ្នារឿងចតម៉ូតូកង់បីមុខហាង។

    ចំណែកជនរងគ្រោះឈ្មោះ យឹម សុខុន ភេទប្រុស អាយុ៥០ឆ្នាំ មុខរបររត់ម៉ូតូកង់បី ស្នាក់នៅភូមិលេខ១ ឃុំស្វាយរលំ ស្រុកស្អាងខេត្តកណ្តាល របួសបាក់ដៃឆ្វេងកំពុងសម្រាកព្យាបាលនៅមន្ទីរពេទ្យ បន្ទាប់ពីជនបង្កវាយឱ្យរបួសបាក់ដៃ នៅតាមផ្លូវលេខ២៧១ ក្នុងសង្កាត់ផ្សារដើមថ្កូវខណ្ឌចំការមន នាវេលាម៉ោង១០ និង៣០នាទីយប់ថ្ងៃទី២៣ ខែសីហា ឆ្នាំ២០១៦។

    សមត្ថកិច្ចជំនាញ ធ្វើការស្រាវជ្រាវករណី ម្ចាស់ហាង  "រតនៈរចនាម៉ូដ" ដែលបានវាយបុរសវ័យចំណាស់ម្នាក់ ដែលអ្នករត់ម៉ូតូកង់ បណ្ដាលឱ្យបាក់ដៃ បច្ចុប្បន្នឃាត់ខ្លួននៅការិយា​ល័យប៉ូលិសព្រហ្មទណ្ឌកម្រិតធ្ងន់រាធានីភ្នំពេញាត់ការតាមនីតិវិធី៕


 

adverise with khmeread

មតិយោបល់