adverise with khmeread Husband carries wifes dead body with daughter for 10km

នរណា​មិន​ស្រក់​ទឹកភ្នែក​? បុរស​គ្មាន​ប្រាក់​ក្នុង​ខ្លួន​សូម្បី​មួយ​សេន​ម្នាក់នេះ​លី​សព​ប្រពន្ធ​ដើរមក​ផ្ទះ​ចម្ងាយ ១០ គីឡូម៉ែត្រ​

    ​បុរស​ក្រខ្សត់​គ្មាន​លុយ​មួយ​សេន​ក្នុង​ហោប៉ៅ​ម្នាក់​បាន​បង្ខំចិត្ត​ដើរ​ចម្ងាយ ១០ គីឡូម៉ែត្រ លី​សាកសព​ប្រពន្ធ​របស់គាត់​លើ​ស្មា​ជាមួយ​កូនស្រី​ម្នាក់​កំពុង​ទ្រ​ហូរ​យំ​នៅ​ជិត​គាត់​។ 

​    ​វីដេអូ​ដ៏​រន្ធត់ចិត្ត​នេះ​បានបង្ហាញ​បុរស​ម្នាក់​ឈ្មោះ Dana Majhi កំពុង​លី​សព​ប្រពន្ធ​ទៅផ្ទះ​របស់គាត់​ក្នុង​ទីក្រុង Bhubaneswar រដ្ឋ Odisha ប្រទេស​ឥណ្ឌា​។​

​    ​ប្រពន្ធ​វ័យ ៤២ ឆ្នាំ​របស់លោក Majhi បាន​ស្លាប់​ដោយសារ​ជំងឺរបេង​នៅ​មន្ទីរពេទ្យ​ក្នុង​សង្កាត់ Kalahandi កាលពី​យប់​ថ្ងៃ​អង្គារ​កន្លងទៅ​។ នេះ​បើ​យោងតាម​វេ​ប​សាយ​ទូរទស្សន៍​ឥណ្ឌា NDTV ។​

​    ​ដោយ​គ្មាន​មធ្យោបាយ​ធ្វើដំណើរ និង​គ្មាន​ប្រាក់​ក្នុង​ខ្លួន​សោះ លោក Majhi និង​កូនស្រី​កំសត់​របស់គាត់​ត្រូវ​បង្ខំចិត្ត​ដើរ ១០ គីឡូ រហូត​ដល់ពេល​រថយន្ត​សង្គ្រោះបន្ទាន់​មួយគ្រឿង​ដាច់ចិត្ត​ជួយ​រៀបចំ​យក​គ្រួសារ​នេះ​ធ្វើដំណើរ ៦០ គីឡូ​ដែល​នៅសល់​បន្ថែមទៀត​។​

​    ​លោក Majhi បាន​ប្រាប់​សារព័ត៌មាន​ក្នុងស្រុក​ថា "​ខ្ញុំ​បាន​ប្រាប់​អាជ្ញាធរ​មន្ទីរពេទ្យ​ហើយ​ថា ខ្ញុំ​ជា​អ្នកក្រ និង​មិនមាន​យានជំនិះ​ធ្វើដំណើរ​ទេ​។ ខ្ញុំ​បានស្នើ​សុំ​ពួកគេ ប៉ុន្ដែ​ពួកគេ​មិន​អាចជួយ​ខ្ញុំ​បាន​"​។​

​    ​លោក Majhi បាន​រុំ​ប្រពន្ធ​របស់គាត់​ជាមួយនឹង​អាវ​ច្រើនតង់ នៅពេល​ធ្វើដំណើរ​ត្រឡប់ទៅផ្ទះ​វិញ​ទាំងអស់​សង្ឃឹម​៕

 

adverise with khmeread
ប្រភព៖ Mirror

មតិយោបល់