adverise with khmeread 1

អ្នកគ្រូ​ឆ្ងល់​ជាខ្លាំង​ពេល​សួរ​សិស្ស​ថា​ប៉ោម​បី​បូក​ចូលគ្នា​ស្មើ​ប៉ុន្មាន សិស្ស​នៅតែ​ថា​ស្មើ ៤!!! ពេល​ដឹង​ហេតុផល​អ្នកគ្រូ​កប់យោបល់​

    ​នៅ​ថ្ងៃមួយ អ្នកគ្រូ​ម្នាក់​បាន​បង្រៀន​កូនសិស្ស​អាយុ ៧ ឆ្នាំ​ម្នាក់​ដែលមាន​ឈ្មោះថា ឡា​អិ​ក នូវ​មុខវិជ្ជា​គណិតវិទ្យា ហើយ​គាត់​បាន​សួរ​សិស្ស​ប្រុស​នេះ​ថា "​ប្រសិនបើ​អ្នកគ្រូ​ឱ្យ​ប្អូន​នូវ​ផ្លែ​ប៉ោម ១ ផ្លែ និង​ផ្លែ​ប៉ោម ១ ផ្លែ និង​ផ្លែ​ប៉ោម ១ ផ្លែ​ទៀត តើ​ប្អូន​នឹងមាន​ផ្លែ​ប៉ោម​ចំនួន​ប៉ុន្មាន​ផ្លែ​?"​។​

​    ​មិនបាន​ប៉ុន្មាន​វិនាទី​ផង ឡា​អិ​កបាន​ឆ្លើយ​សំណួរ​ដោយមាន​ទំនុកចិត្ត​ដ៏​មុតមាំ​ថា "​បាទ​អ្នកគ្រូ​! ខ្ញុំ​មាន​ផ្លែ​ប៉ោម ៤ ផ្លែ​"​។​

​    ​អ្នកគ្រូ​បានបង្ហាញ​ទឹកមុខ​តក់ស្លុត ព្រោះ​គាត់​បាន​រំពឹងទុក​នូវ​ចម្លើយ "៣ ផ្លែ​"​។ នៅពេលនោះ​គាត់​ក៏​ខកចិត្ត ហើយក៏​បាន​នឹក​ក្នុង​ចិត្ត​ថា "​ប្រហែលជា​ក្មេង​នេះ​ស្តាប់​សំណួរ​មិន​ច្បាស់​ហើយ​មើលទៅ​"​។​

​    ​អ្នកគ្រូ​ក៏បាន​សួរ​ម្តង​ទៀតថា "​ឡា​អិ​ក ស្តាប់​អ្នកគ្រូ​ម្តងទៀត​ឱ្យបាន​ច្បាស់​! ប្រសិនបើ​អ្នកគ្រូ​ឱ្យ​ប្អូន​នូវ​ផ្លែ​ប៉ោម ១ ផ្លែ និង​ផ្លែ​ប៉ោម ១ ផ្លែ និង​ផ្លែ​ប៉ោម ១ ផ្លែ​ទៀត តើ​ប្អូន​នឹងមាន​ផ្លែ​ប៉ោម​ចំនួន​ប៉ុន្មាន​ផ្លែ​?"​។​

​    ​ឡា​អិ​ក​បានឃើញ​ទឹកមុខ​ខកចិត្ត​របស់​អ្នកគ្រូ​លើកទីមួយ​ទៅហើយៗ​ដោយ​ខ្លាច​គាត់​ខកចិត្ត​ម្តងទៀត រូបគេ​ក៏​គណនា​ដោយ​ប្រើ​ម្រាមដៃ​។ ឡា​អិ​ក​ក៏​មិន​ចង់ឱ្យ​អ្នកគ្រូ​មិន​សប្បាយចិត្ត​ដែរ ដូច្នេះ​រូបគេ​ខំប្រឹង​ស្វែងរក​ចម្លើយ​ដ៏​ត្រឹមត្រូវ​មួយ​ដើម្បីឱ្យ​គាត់​រីករាយ​។​

​    ​លើក​នេះ ឡា​អិ​កបាន​ឆ្លើយ​សំណួរ​ដូចជា​ស្ទាក់ស្ទើរ​យ៉ាង​ដូច្នេះ​ថា "​បាទ​អ្នកគ្រូ​! ខ្ញុំ​មាន​ផ្លែ​ប៉ោម ៤ ផ្លែ​"​។​

​    ​រំពេច​នោះ អ្នកគ្រូ​អន់ចិត្ត​ជាខ្លាំង ប៉ុន្តែ​ស្របពេល​នោះដែរ​គាត់​ក៏​នឹង​ឃើញថា ឡា​អិ​ក​ចូលចិត្ត​ផ្លែ​ស្ត្រ​បឺ​រី​។ គាត់​បាន​គិតថា ប្រហែលជា​ឡា​អិ​ក​មិន​ចូលចិត្ត​ប៉ោម​ហើយ បានជា​វា​បាត់បង់​ការ​ផ្តោតអារម្មណ៍​។​

​    ​លើក​នេះ ជាមួយ​ក្តីរំភើប​ហួស​ថ្លែង​ដោយ​បង្ហាញ​តាមរយៈ​ក្រសែភ្នែក​របស់​អ្នកគ្រូ គាត់​ក៏បាន​សួរថា "​ប្រសិនបើ​អ្នកគ្រូ​ឱ្យ​ប្អូន​នូវ​ផ្លែ​ស្ត្រ​បឺ​រី ១ ផ្លែ និង​ផ្លែ​ស្ត្រ​បឺ​រី ១ ផ្លែ និង​ផ្លែ​ស្ត្រ​បឺ​រី ១ ផ្លែ​ទៀត តើ​ប្អូន​នឹងមាន​ផ្លែ​ស្ត្រ​បឺ​រី​ចំនួន​ប៉ុន្មាន​ផ្លែ​?"​។​

​    ​ដោយ​ឃើញ​អ្នកគ្រូ​រីករាយ​បែបនេះ ឡា​អិ​ក​ក៏បាន​ប្រើ​ដៃ​ដើម្បី​គណនា​ចំណោទ​នេះ​ម្តងទៀត​។ លើក​នេះ គ្មាន​សម្ពាធ​អ្វី​ឡើយ​ចំពោះ​ក្មេង​តូច​នេះ ប៉ុន្តែ​មាន​បន្តិចបន្តួច​ចំពោះ​អ្នក​គ្រួ ព្រោះ​អ្នកគ្រូ​ចង់​ទទួលជោគជ័យ​នូវ​សំណួរ​ថ្មី​នេះ​។​

​    ​ជាមួយ​ស្នាមញញឹម​អឹមអៀន ឡា​អិ​កបាន​ឆ្លើយថា "​បាទ​អ្នកគ្រូ​! ខ្ញុំ​មាន​ផ្លែ​ស្ត្រ​បឺ​រី ៣ ផ្លែ​"​។​

​    ​ទីបំផុត អ្នកគ្រូ​ធូរទ្រូង ក្រោយពី​បាន​ស្តាប់ឮ​ចម្លើយ​ដ៏​ត្រឹមត្រូវ​នេះ​។ សំណួរ​ដែល​គាត់​បាន​សួរ​នៅពេលនេះ​ទទួលជោគជ័យ​ហើយៗ​គាត់​ចង់​អបអរ​ខ្លួនឯង ប៉ុន្តែ​រំពេច​នោះ មានរឿង​មួយ​បាន​រំ​ឮ​ក​គាត់​។​

​    ​ជា​លើកចុងក្រោយ គាត់​បាន​សួរ​សំណួរ​ដដែល​ថា "​ឥឡូវ ប្រសិនបើ​អ្នកគ្រូ​ឱ្យ​ប្អូន​នូវ​ផ្លែ​ប៉ោម ១ ផ្លែ និង​ផ្លែ​ប៉ោម ១ ផ្លែ និង​ផ្លែ​ប៉ោម ១ ផ្លែ​ទៀត តើ​ប្អូន​នឹងមាន​ផ្លែ​ប៉ោម​ចំនួន​ប៉ុន្មាន​ផ្លែ​?"

​    ​ឡា​អិ​កបាន​ឆ្លើយ​យ៉ាង​ដូច្នេះ​ថា "​បាទ​អ្នកគ្រូ​! ខ្ញុំ​មាន​ផ្លែ​ប៉ោម ៤ ផ្លែ​"​។​

​    ​ក្រោយ​ឮ​វា​ឆ្លើយ​បែបនេះ អ្នកគ្រូ​ស្ទើរតែ​សន្លប់​ឈរ និង​ខឹង​យ៉ាងខ្លាំង ហើយ​គាត់​បាន​សួរ​ឡា​អិ​កដោយ​ប្រើ​សម្តី​ខ្លាំងៗ​ថា "​ឡា​អិ​ក ម៉េច​វា​ទៅ​អ៊ីចឹង​កើត​ហា​?"​។​

​    ​ដោយនិយាយ​ថ្នមៗ ក្មេងប្រុស​វ័យ ៧ ឆ្នាំ​រូបនេះ​បាន​ឆ្លើយតប​ថា "​បាទ​អ្នកគ្រូ​! ព្រោះ​ខ្ញុំ​មាន​ផ្លែ​ប៉ោម ១ ផ្លែ​រួចហើយ​នៅក្នុង​កា​តាប​របស់ខ្ញុំ​"​។​

​    ​ចុងក្រោយ នៅពេល​នរណាម្នាក់​ផ្តល់នូវ​ចម្លើយ​ដែល​ខុសពី​ការរំពឹងទុក​របស់​អ្នក កុំ​គិតថា​ពួកគេ​ខុស​ឱ្យសោះ​។ ប្រហែល​ជាមាន​ជ្រុង​នៃ​ចម្លើយ​មួយទៀត ដែល​អ្នក​មិនទាន់​គិតដល់​នៅឡើយ​។ វា​មិន​ខុស​អ្វី​ពី​មតិ​របស់​អ្នកដទៃ ដែល​ផ្ទុយ​ពី​មតិ​របស់​អ្នក​នោះទេ​។ បើ​គេ​គិត​មិន​ដូច​យើង សូមកុំ​គិតថា គេ​ម្នាក់នេះ​ចង់​ប្រឆាំងនឹង​ចម្លើយ​របស់​អ្នក ព្រោះ​ចម្លើយ​ដែល​ស្តាប់ទៅ​ដូចជា​ខុស មិន​ប្រាកដថា​ជា​ចម្លើយ​ខុស​នោះឡើយ​។ រៀន​បើក​ចិត្ត​ឱ្យ​ទូលាយ​ទទួលយក​ហេតុផល​ពី​អ្នកដទៃ ជា​រឿង​ប្រពៃ​បំផុត​៕

adverise with khmeread

អ្នកនឹងចូលចិត្ត

មតិយោបល់