adverise with khmeread Jose mourinho schweinsteiger main

Mourinho៖ ខ្ញុំ​សុខចិត្ត​ដាក់​ក្មេង​លេង​ប្រសើរ​ជាង​ដាក់ Bastian

    ​Jose Mourinho បានបញ្ជាក់​ទៅកាន់ Bastian Schweinsteiger ថា គាត់​នឹង​សុខចិត្ត​ដាក់​កីឡាករ​យុវជន​លេង​ប្រសើរ​ជាង​អនុញ្ញាតឱ្យ​គាត់​លេង​ឱ្យ​បិសាច​ក្រហម Manchester United ម្តងទៀត​នោះទេ​។​

​    ​Schweinsteiger បាន​ទទូចថា​គាត់​នឹងមិន​ចូលរួម​ជាមួយ​ក្លឹប​ដទៃ​ក្នុង​តំបន់​អឺរ៉ុប​ផ្សេងទៀត​នោះឡើយ បន្ទាប់ពី Mourinho ទាញ​ទៅ​ដាក់ឱ្យ​ហ្វឹកហាត់​ជាមួយនឹង​ឈុត​បម្រុង​។​

​    ​ជ័យលាភី World Cup អាល្លឺម៉ង់​រូបនេះ មានតម្លៃ​ប្រាក់​ឈ្នួល ២០​ម៉ឺន​ផោន​ក្នុង​មួយ​សប្តាហ៍ ហើយ​ការបដិសេធ​របស់គាត់​ទៅកាន់​ក្លឹប​ក្នុង​តំបន់​អឺរ៉ុប បានធ្វើឱ្យ​បិសាច​ក្រហម​ជួប​ការលំបាក​ក្នុងការ​ផ្គត់ផ្គង់​គាត់ មុន​ពេលដែល​ទីផ្សារ​ដោះដូរ​នឹងត្រូវ​បិទទ្វារ​នៅ​រយៈពេល​ខ្លី​ខាងមុខ​។​

​    ​ទន្ទឹមនឹងនេះ Mourinho បច្ចុប្បន្ន​បាន​ព្រមាន​ទៅដល់​តារាបាល់ទាត់​ជើងចាស់​វ័យ ៣១​ឆ្នាំ​រូបនេះ​ថា គាត់​នឹង​សុខចិត្ត​ដាក់​កីឡាករ​យុវជន​នៅក្នុង​ថ្នាល​បណ្តុះបណ្តាល​របស់​បិសាច​ក្រហម​ចូលមក​លេង​ក្នុង​ឈុត​ដំបូង ប្រសើរ​ជាង​នាំ​ម្ចាស់​ជើងឯក​ពិភពលោក​រូបនេះ​ត្រឡប់មកវិញ​។​

​    ​អ្នកចាត់ការ​សញ្ជាតិ​ព័រ​ទុយ​ហ្គា​ល់​រូបនេះ​បាន​បញ្ជាក់ថា "​ខ្ញុំ​មាន​កីឡាករ​ចំនួន ២៣​នាក់​ក្នុង​ឈុត​ដំបូង ហើយ​ក្នុង​គោលការណ៍​មិនមាន​នរណាម្នាក់​កំពុង​ចាកចេញ​ឡើយ ខ្ញុំ​មិនឱ្យ​នរណាម្នាក់​ចាកចេញ​ឡើយ​"​។​

​    ​គាត់​បាន​បន្តទៀតថា "​មិនមាន​នរណាម្នាក់​កំពុង​មកទៀត​នោះទេ ហើយ​កីឡាករ ២៣​នាក់​គឺ​លើសពី​គ្រប់គ្រាន់​ទៅទៀត​។ ប្រសិនបើ​យើង​មាន​បញ្ហា​ខ្លះ ឬ​ឱកាស​មួយចំនួន ខ្ញុំ​មាន​យុវជន​មួយចំនួន​ក្នុង​ថ្នាល​បណ្តុះបណ្តាល ដែល​ខ្ញុំ​នឹងមាន​ភាព​រីករាយ​ជាង​ការដែល​ផ្តល់ឱ្យ​តារា​ល្បី​ម្នាក់​ចូលទៅក្នុង​ដំណើរការ​មួយ​នោះ ហើយ​នាំ​ពួកគេ​មកលេង​ម្តង​ហើយ​ម្តងទៀត​”៕

adverise with khmeread
ប្រភព៖ Mirror

មតិយោបល់