adverise with khmeread Unnamed %283%29   copy   copy

ឃាត់ជនសង្ស័យ២នាក់ពាក់ព័ន្ធបទល្មើសគ្រឿងញៀននៅកំពង់ឆ្នាំង

    កំពង់ឆ្នាំង ៖ ជនសង្ស័យ២នាក់ត្រូវបានប៉ូលិសខេត្តកំពង់ឆ្នាំងឃាត់ខ្លួនពាក់ព័ន្ធបទល្មើសគ្រឿងញៀននៅថ្ងៃទី២៧ សីហា ឆ្នាំ២០១៦ វេលាម៉ោង៨ និង៣០នាទី នៅចំណុច ភូមិកំពង់​បឹង ឃុំកំពង់ហៅ ស្រុកកំពង់លែង ខេត្តកំពង់ឆ្នាំង និងដកហូវត្ថុតាងមួយចំនួន។

    ប៉ូលិសនិយាយថា កម្លាំងប៉ូលិសខេត្តស្រុកដឹកនាំ ដោយ លោក ឡុង ស៊ីថា ព្រះរាជអាជ្ញារង​អម​សាលាដំបូងខេត្តកំពង់ឆ្នាំង បានចុះបង្ក្រាបបទល្មើស ប្រើប្រាស់ និងចែកចាយគ្រឿង​ញៀន លទ្ធផលឃាត់ខ្លួន ជនសង្ស័យបានចំនួន០២នាក់ គឺ១-ឈ្មោះ មៀង សំអូន ភេទស្រី អាយុ៤២ឆ្នាំរស់នៅភូមិ, ឃុំខាងលើ និង២-ឈ្មោះ ហួន សាវ៉ុន ភេទស្រី អាយុ៣៥ឆ្នាំ រស់នៅភូមិ, ឃុំខាងលើព្រមទាំងដកហូតបាន វត្ថុតាង ថ្នាំញៀន១កញ្ចប់តូច,​ ម៉ូតូ១គ្រឿង,​ ទូរស័ព្ទដៃ៣​គ្រឿង និងសម្ភារៈសម្រាប់ជក់ មួយចំនួនទៀត។

    បច្ចុប្បន្នបានកសាងសំណុំរឿងបញ្ជូនទៅតុលាការខេត្តចាត់ការតាមនីតិវិធី៕
 

adverise with khmeread

មតិយោបល់