adverise with khmeread 2e7d60bc cdb2 4e8b 81a4 9bb7c609be0c596x425

ពួក​អ្នកលេង​ហ្គេម Pokemon Go ប្រទះឃើញ​គូស្នេហ៍​កំពុង​ដេក​ស្រាត​ត្រង់​កន្លែង​ចាប់​កូន​បិសាច Pokemon របស់​ពួកគេ​

    ​យុវជន Lauren Dua វ័យ ២៤ ឆ្នាំ បាន​នាំ​ប្អូនស្រី​វ័យ ១៤ ឆ្នាំឈ្មោះ Libby Munday និង​ប្អូនប្រុស Lewis Overell វ័យ ២០ ឆ្នាំទៅ​ចាប់ Pokemon នៅឯ​ភាគ​អាគ្នេយ៍​ទីក្រុង​ឡុង​ដ៍​នៅវេលា​ម៉ោង ១១ យប់​កាលពី​ថ្ងៃទី ២០ ខែសីហា​កន្លងទៅ​ថ្មីៗ​នេះ​។​

​    ​ផ្ទុយទៅវិញ ពួកគេ​មិនបាន​ចាប់​សត្វ​ចម្លែក​ក្នុង​ហ្គេម Pokemon Go នោះទេ ប៉ុន្តែ​ពួកគេ​បែរជា​បានឃើញ​បុរស​ម្នាក់​ស្លៀកខោ​ក្នុង​ពណ៌​ខៀវ នៅ​ជាមួយ​នារី​ស្រាត​ម្នាក់​នៅ​កណ្តាលវាល​។​

​    ​Lauren បាន​និយាយថា "​យើង​បាន​ដើរកាត់​វាយ​ស្មៅ Blackheath Common ហើយ​នៅពេលនោះ​ប្អូនប្រុស​ខ្ញុំ​និយាយថា តើ​នោះ​ជា​នារី​ស្រាត​មែន​ទេ​? ហើយ​ខ្ញុំ​គិតថា គាត់​ប្រហែលជា​លេងសើច ប៉ុន្តែ​ដឹងអី ប្អូនស្រី​ខ្ញុំ​និយាយ​អ៊ីចឹង​ដែរ​"​។​

​    ​រូបគេ​បាន​បន្តថា "​ដូច្នេះ​ខ្ញុំ​ក៏បាន​ទៅ​ម្តុំ​នោះ​ដើម្បី​រកមើល ហើយ​ខ្ញុំ​សឹង​មិន​ជឿថា ប្អូនៗ​ខ្ញុំ​និយាយ​ជាការ​ពិត ហើយ​នៅត្រង់ចំណុច​នោះ មាន​មនុស្ស​តែ​ប៉ុន្មាន​នាក់​ប៉ុណ្ណោះ​នៅ​កំពុង​លេង​ហ្គេម Pokemon នៅ​ទីនោះ ហើយ​គូស្នេហ៍​ស្រាត​នោះ​ពិតជា​បង្ហាញ​ភាព​ត្រេកត្រអាល​គួរឱ្យ​ចង់​មើល​ណាស់​។ គូស្នេហ៍​ទាំងពីរ​ហាក់ដូចជា​មិន​ខ្វល់​អ្វី​ឡើយ​ដែល​មនុស្ស​ទាំងអស់​បាន​នាំគ្នា​ឈរ​មើល​ពួកគេ​"​។​

​    ​ហើយ​មួយសន្ទុះ​ក្រោយមក អ្នក​ឈរ​មើល​ម្នាក់​មិនអាច​ទប់​កំហឹង​ខ្លួន​បានជា​មួយ​បុរស​ស្លៀកខោ​ក្នុង​ពណ៌​ខៀវ ក៏បាន​ប្រតាយប្រតប់​គ្នា​មួយ​ប្រាវ​តែម្តង​។​

​    ​អ្នកនាំពាក្យ​ប៉ូលិស​ក្រុង​ម្នា​ក់បាន​និយាយថា "​មាន​គេ​តេ​ហៅ​ប៉ូលិស​នៅ​ម៉ោង ១២:១១ យប់​កាលពី​ថ្ងៃទី ២១ ដើម្បី​រាយការណ៍​ការ​វាយតប់​នៅឯ​វាលស្មៅ Blackheath Common"៕

adverise with khmeread
ប្រភព៖ Metro

អ្នកនឹងចូលចិត្ត

មតិយោបល់