adverise with khmeread 1

Lionel Messi និយាថាមិនដែលគិតចង់បោកគ្រប់គ្នាអំពីរឿងចូលនិវត្តន៍ទេ

    ​Lionel Messi បាន​ទទូចថា គាត់​មិនបាន​មានន័យ​បោក​បញ្ឆោត​នរណា​ម្នា​ក់ឡើ​យ ជាមួយនឹង​ការសម្រេចចិត្ត​របស់គាត់​ក្នុងការ​ចូលនិវត្តន៍​ពី​បាល់ទាត់​អន្តរជាតិ​អា​ហ្ស​ង់​ទីន​កាលពី​ពីរ​ខែ​មុននេះ​។​

​    ​ខ្សែប្រយុទ្ធ​ឆ្នើម​របស់ Barcelona រូបនេះ បានធ្វើ​បង្កឱ្យមាន​ការភ្ញាក់ផ្អើល​យ៉ាងខ្លាំង​នៅក្នុង​ពិភព​បាល់ទាត់​ជាមួយនឹង​ការសម្រេចចិត្ត​ចាកចេញ​ពី​បាល់ទាត់​អន្តរជាតិ​របស់គាត់ បន្ទាប់ពី​ក្រុម​របស់គាត់​បាន​រង​បរាជ័យ​ក្រោម​ដៃ​ឈី​លី​ក្នុង​វគ្គ​ផ្តាច់ព្រ័ត្រ​ពាន​កំពូល​ទ្វីបអាមេរិក Copa America Centenario កាលពី​ខែមិថុនា​កន្លងទៅ​។​

​    ​បរាជ័យ​នេះ​គឺជា​បរាយ​ជ័យ​លើក​ទី​បី​វគ្គ​ផ្តាច់ព្រ័ត្រ​ចុងក្រោយ​ជាប់ៗ​គ្នា​របស់ Messi ក្នុង​រយៈពេល​បី​ឆ្នាំ​ផ្ទួនៗ ហើយ​តារាបាល់ទាត់​របស់​ពិភពលោក​វ័យ ២៩​ឆ្នាំ​រូបនេះ បានប្រកាសថា​គាត់​បាន​សម្រេចចិត្ត​ចូលនិវត្តន៍​ស្របពេល​ទន្ទឹមគ្នា​នឹង​នោះ​តែម្តង​។​

​    ​យ៉ាងណាក្តី​គាត់​បាន​វិលត្រឡប់​មកវិញ​និង​បាន​លេង​ក្នុង​ដំណើរ​ជម្រុះ​បាល់ទាត់​ពិភពលោក World Cup ដោយបាន​ផ្តួល​អ៊ុយ​ហ្គា​យ​ក្នុង​លទ្ធផល ១-០ ដោយ​គ្រាប់​បាល់​ជ័យជម្នះ​ធ្វើបាន​សម្រេច​ដោយ​រូបគាត់​ផ្ទាល់​ផងដែរ​។​

​    ​Messi បានបញ្ជាក់​ទៅកាន់ TV Publica ថា "​ខ្ញុំ​ពិតជា​មាន​សេចក្ដី​អំណរ​ខ្លាំង​ជាទីបំផុត ក្នុងការ​វិលត្រឡប់​ចូល​ក្រុម​ជម្រើសជាតិ​វិញ​"​។​

​    ​គាត់​បាន​បន្តទៀតថា "​ប៉ុន្តែ​ខ្ញុំ​មិនបាន​បោក​បញ្ឆោត​នរណាម្នាក់​ពេលដែល​ខ្ញុំ​បាន​ចូលនិវត្តន៍​នោះឡើយ ខ្ញុំ​មាន​អារម្មណ៍​បែប​នោះ​។ យើង​ពិតជា​ខកចិត្ត​ជាមួយនឹង​អ្វីដែល​បានកើត​ឡើង​។ ប៉ុន្តែ​បន្ទាប់ពីនោះ​ខ្ញុំ​បានគិត​ប្រសើរ​ឡើងវិញ​។ ខ្ញុំ​បាន​ពិភាក្សា​ជាមួយ Paton (​គ្រូបង្វឹក​អា​ហ្ស​ង់​ទីន​) ហើយ​ប្រជាន​ជន​ក៏​ជា​ផ្នែក​មួយ​ដ៏​សំខាន់​ដែល​បាន​អម​ឱ្យ​ខ្ញុំ​ធ្វើ​វា​"៕

adverise with khmeread
ប្រភព៖ Soccerladuma

មតិយោបល់