39658028   28 08 2016   cocoin01

កំលោះ​ម្នាក់​សន្សំ​មួយថ្ងៃ​១​កាក់​បាន​២​ឆ្នាំ​ដើម្បី​ការ​ប្រពន្ធ ប៉ុន្តែ​ក្រោយពី​ដំណឹង​នេះ​ធ្លាយ​លើ​សារព័ត៌មាន​ម៉ាឡេស៊ី មាន​នារី​ស្អាតៗ ៣ នាក់​សុំ​រៀបការ​

    ​វី​ធី​សាស្ត្រ​មិនធម្មតា​នៃ​ការ​សន្សំ​ប្រាក់​របស់​កំលោះ​រូបនេះ​មិន​ត្រឹមតែ​បន្សល់​នូវ​ប្រាក់ ៦០០០​ដុល្លារ​ឱ្យ​គាត់​នោះទេ ប៉ុន្ដែ​វា​ក៏​ធ្វើឱ្យ​គាត់​ទទួលបាន​ការសុំ​រៀបការ​ពី​នារី​ស្អា​តដល់​ទៅ​បីនាក់​។​
​    ​
​    ​លោក Muhammad Helmy Kamid ជនជាតិ​ម៉ាឡេស៊ី​វ័យ ២៦ ឆ្នាំ បាន​សន្សំ​កាក់​តម្លៃ ១ ដុល្លារ​រាល់ថ្ងៃ ដោយ​ទទួលបាន​ប្រាក់​ច្រើនជាង ៦០០០​ដុល្លារ​ត្រឹមតែ ២ ឆ្នាំ​។​

​    ​ប៉ុន្ដែ​មនុស្ស​ចាប់ផ្តើម​ចាប់អារម្មណ៍​ខ្លាំង​មើល​គាត់ បន្ទាប់ពី​រឿង​របស់គាត់​បាន​បែកធ្លាយ​ពេញ​ម៉ាឡេស៊ី​ក្នុង​វេ​ប​សាយ Malay Daily Berita Harian​។ គាត់​និយាយថា គាត់​គ្មាន​មិត្តស្រី​ទេ ហើយ​គាត់​គ្រោង​ប្រើ​ប្រាក់​នេះ​ជា​ផ្នែក​មួយ​នៃ​ការចំណាយ​លើ​ពិធី​រៀបការ​ថ្លៃ​នៅ​ថ្ងៃ​អនាគត​។​

​    ​នៅពេល​ផុស​អត្ថបទ​នេះ​ដំបូង​នៅលើ Facebook មាន​អ្នក Like និង Share ច្រើនជាង ១ ពាន់​នាក់ និង​មាន​អ្នក​បញ្ចេញមតិ​ច្រើនជាង ២០០ នាក់ និង​អ្នក​សុំ​រៀបការ​ចំនួន ៣ នាក់​។​

​    ​លោក Helmy ជា​វិស្វករ​ម្នាក់ បាន​ប្រាប់​ទៅ​វេ​ប​សាយ The News Paper ថា "​មនុស្ស​ពីរ​ទៅ​បីនាក់​មកពី​ម៉ាឡេស៊ី​ផ្ញើ​សារ​មក​ខ្ញុំ សុំឱ្យ​រៀបការ​ជាមួយ​ពួកគេ​នៅពេល​ឃើញ​ព័ត៌មាន​នៅលើ​អន​ឡាញ​នោះ​"​។​

​    ​"​នៅពេល​ខ្ញុំ​អាន​សារ​ដំបូង ខ្ញុំ​គិតថា មនុស្ស​ទាំងនោះ​នឹងធ្វើ​អ្វីៗ​គ្រប់យ៉ាង​ដើម្បី​ប្រាក់​តែ​ប្រាក់​តែប៉ុណ្ណោះ​"​។​

​    ​ប៉ុន្ដែ​គាត់​មិន​ប្រើ​សម្ដី​មិន​ពិ​រោះ​ដើម្បី​តប​សារ​នោះទេ គាត់​គ្រាន់តែ​បដិសេធ​ស្ត្រី​ទាំងនោះ​ប៉ុ​ណោះ្ណ​។​

​    ​លោក Helmy បានចាប់ផ្ដើម​សន្សំ​កាក់​ប្រាក់​ក្នុង​ឆ្នាំ ២០១៤ បន្ទាប់ពី​ត្រូវបាន​បំផុសទឹកចិត្ត​ពី​សំណាក់​ពូ​របស់លោក​ឈ្មោះ Anuar Ahmad ។​

​    ​លោក Anuar វ័យ ៤៥ ឆ្នាំ បានចាប់ផ្ដើម​ប្រមូល​កាក់​ប្រាក់ ១ ដុល្លារ​ជិត ១០ ឆ្នាំ​ហើយ ប៉ុន្ដែ​គាត់​ទទួលបាន​ត្រឹមតែ ១ ពាន់​ដុល្លារ​ប៉ុណ្ណោះ​៕

ប្រភព៖ Straitetime

មតិយោបល់