adverise with khmeread 1

ហេតុអ្វី​បានជា​ម្តាយ​ដែលមាន​រហស្សនាម​ថា "​មេម៉ាយ​ឈុត​ស​" រូបនេះ​ប្រែក្លាយ​កូនប្រុស​គួរ​ស្រឡាញ់​ទៅជា​ឃាតករ ISIS?

​    ​គេ​ជឿថា ក្មេងប្រុស​កើត​នៅ​ទីក្រុង Kent របស់​បែលហ្ស៊ិក​ឈ្មោះ Joe Dixon អាយុ ១១ ឆ្នាំនេះ​គឺជា​ក្មេងប្រុស​មួយ​ក្នុងចំណោម​ក្មេងប្រុស​ជាច្រើន ដែល​សម្លាប់​អ្នកទោស​ក្នុង​វីដេអូ​គួរឱ្យ​រន្ធត់​មួយ​ចេញផ្សាយ​ដោយ​ក្រុម​ភេរវកម្ម ISIS កាលពី​សប្តាហ៍​មុន​។ 

​    ​ក្មេង​នេះ​ជា​កូនប្រុស​របស់លោក​ស្រី Sally Jones អាយុ ៤៧ ឆ្នាំ ដែលមាន​រហស្សនាម​ថា "​មេម៉ាយ​ឈុត​ស​" ដែល​ចាក​ចេញពី​អង់គ្លេស​ទៅ​ចូលរួម​ជាមួយ​ក្រុម ISIS ក្នុង​ឆ្នាំ ២០១៣​។ 

​      លោកស្រី Jones ដែល​ហៅ​ខ្លួនឯង​ថា "Umm Hussain Britaniya" បាន​រៀបការ​ជាមួយ​ជន​ជី​ហាត​ម្នាក់​ឈ្មោះ Junaid Hussain​។​

​      លោកស្រី​អះអាងថា ប្តី​គាត់​កំពុង "​មាន​តំណែង​ខ្ពស់បំផុត​នៅ​ឋានសួគ៌​" បន្ទាប់ពី​គាត់​ត្រូវបាន​សម្លាប់​ដោយ​យន្តហោះ​ដ្រូ​ន​អាមេរិក​កាលពី​ឆ្នាំមុន​។ 

​    ​ឈ្មោះ​របស់​ក្មេងប្រុស Joe បាន​ប្តូរ​ទៅជា Hamza នៅពេល​ម្តាយ​របស់​ក្មេង​នេះ​ទៅដល់​ស៊ី​រី​។ ប៉ុន្តែ​ក្មេង​ក្នុង​វ័យ​សិក្សា​នេះ បានបង្ហាញ​ឈ្មោះថា Abu Abdullah al-Britani ក្នុង​វីដេអូ​ប្រហារជីវិត​គួរឱ្យខ្លាច​។​

​     គ្រួសារ​និង​មិត្តភក្តិ​ខាង​ម្តាយ​ឥឡូវនេះ​បាន​និយាយ​អំពី​ការ​ខូចចិត្ត​របស់​ពួកគេ​ដែល​ឃើញ​កូនប្រុស​គួរឱ្យ​ស្រឡាញ់​នេះ​មានមុខ​នៅក្នុង​វីដេអូ​របស់ ISIS​។ 

​    ​មិត្តភក្តិ​ម្នាក់​អះអាងថា​ការដែល​ឃើញ​កូនប្រុស​របស់ Jones ក្នុង​វីដេអូ​ឃ្លី​ប​គួរឱ្យ​តក់​ស្ល​ត់​បែបនេះ​គឺ "​អាក្រក់​ជាង​កំពុង​កាន់ទុក្ខ​ទៅទៀត​" និង​ធ្វើឱ្យ​ពួកគាត់​ភ័យ​បុក​ពោះ​ជំនួស ពេល​បាញ់​មនុស្ស​ឆៅៗ​បែបនេះ​។​

​    ​មិត្ត​នេះ​បន្តថា "​ជីដូន​របស់គាត់​ឥឡូវ​បាន​បាត់បង់​ចៅប្រុស​នេះហើយ​។ គាត់​មិន​គិតថា​គាត់​អាចធ្វើ​អ្វី​បានឡើយ​ដើម្បី​នាំ​គាត់​ត្រឡប់មកវិញ ហើយ​បើ​គាត់​ត្រឡប់មកវិញ ក៏​លែង​ក្លាយជា​ក្មេងប្រុស​គួរឱ្យ​ស្រឡាញ់​ទៀត​ដែរ​"​។​

​    ​ប៉ុន្តែ​មិត្ត​នោះ​បន្ថែមថា ទោះយ៉ាងណា​ក៏​គ្រួសារ​របស់​ក្មេង Dixon "​នៅតែ​ស្រឡាញ់​វា​"​។ 

​    ​មិត្ត​នោះ​និយាយថា "​ពួកគេ​នៅតែមាន​រូបថត​របស់​គាត់ បើទោះបី​មិនបាន​យកទៅ​ព្យួរ​ជញ្ជាំង​ក្តី​។ ថ្ងៃ​ណាមួយ ពួកគេ​នឹង​បាន​ជួប​គាត់​ក្នុងនាម​ជា​មនុស្ស​ប្រុស​ធំ​ដឹង​ខុសត្រូវ​ម្នាក់​"៕

​ប្រភព​៖ dailystar

adverise with khmeread

អ្នកនឹងចូលចិត្ត

មតិយោបល់