adverise with khmeread 3213123

ប្រើល្បិចទម្លាក់យោងយកអស់ជិត១ពាន់ដុល្លារ

     ភ្នំពេញ ៖ ជនសង្ស័យ​ចំនួន​៧​នាក់ មាន​ស្រី​២​នាក់ បាន​ប្រើល្បិច​យក​មាស​ក្លែងក្លាយ​ប្តូរ​យក​មាស​សុទ្ធ​ឬ​ប្រើល្បិច​ទម្លាក់យោង​បោក យក​គ្រឿងអលង្ការ ទូរស័ព្ទដៃ និង​លុយ​ជិត​១០០០​ដុល្លារ ពី​នារី​ម្នាក់​ខណ​:​ពេល​ចូល​ទិញ​សម្លៀកបំពាក់ នៅក្នុង​ផ្សា​រកា​ណា​ស៊ី​ត​ធី សង្កាត់​ចោមចៅ ខណ្ឌ​ពោធិ៍​សែន​ជ័យ​កាលពី​ព្រឹក​ថ្ងៃទី​៧ ខែមករា ឆ្នាំ​២០១៦​នេះ​។​

    ប្រភព​ជំហាន​ដំបូង​បាន​ឲ្យ​ដឹងថា នារី​រងគ្រោះ​ឈ្មោះ ដួង សុខ​ហេង អាយុ​២៦​ឆ្នាំ ស្នាក់នៅ​ភូមិ​ថ្មគោល​សង្កាត់​ចោមចៅ ត្រូវបាន​ជនសង្ស័យ​លួងលោម និង​នាំខ្លួន​យកទៅ​ដោះយក​គ្រឿងអលង្ការ និង​លុយកាក់ នៅ​ដីឡូត៍​មួយកន្លែង ស្ថិតនៅ​ភូមិ​ក្រាំង​ដូន​ទៃ​សង្កាត់​ចោមចៅ ។​

    ប្រភព​បន្តថា ដំបូង នារី​រងគ្រោះ​បាន​ដើរចូល​ផ្សារ ទិញ​សម្លៀកបំពាក់ ស្រាប់តែ​ជនសង្ស័យ មួយក្រុម​មាន​គ្នា​៧​នាក់ ក្នុងនោះ​ស្រី​២​នាក់ បាន​ធ្វើជា​ជ្រុះ​មាស ហើយ​ហៅ​នារី​រងគ្រោះ​មក​រើស​ចែកគ្នា​។ ពេលនោះ​ជនសង្ស័យ បានដាក់​ថ្នាំ​សណ្តំ​រួច​នាំគ្នា​យក​នារី​រងគ្រោះ ទៅ​ដោះយក គ្រឿងអលង្ការ ទូរស័ព្ទដៃ លុយកាក់ ហើយ​គេចខ្លួនបាត់​។​

    បន្ទាប់មក​កម្លាំង​សមត្ថកិច្ច បាន​សួរនាំ​ជនរងគ្រោះ​ហើយ​តាម​ចាប់​ក្រុម​ជនសង្ស័យ​ទាំងនេះ យកមក​ផ្តន្ទាទោស​តាមផ្លូវ​ច្បាប់​៕​

adverise with khmeread

មតិយោបល់