adverise with khmeread Untitled 1

Zika រាលដាល​មកដល់​ថៃ កំពុងចម្លង​មនុស្ស​ប្រហែល ២០ នាក់​

    ​យោងតាម​វេ​ប​សាយ​បាងកក​ប៉ុស្តិ៍​ចេញផ្សាយ​ថ្ងៃទី ៦ កញ្ញា​នេះ​បានឱ្យដឹងថា ក្រសួងសុខាភិបាល​ថៃ​បាន​និយាយថា អ្នកជំងឺ​២០​នាក់​នៅក្នុង​ខេត្ត ៤ របស់​ថៃ​បាន​ឆ្លង​វីរុស Zika ប៉ុន្តែ​ស្ថានភាព​ស្ថិតនៅក្រោម​ការគ្រប់គ្រង​បាន មិន​អី​នោះទេ​។​

​    ​លោក Sopon Mekthon លេខាធិការ​អចិន្ត្រៃយ៍​សុខភាព​សាធារណៈ​ថៃ​បាន​និយាយ​កាលពី​ថ្ងៃ​ចន្ទ​ថា ក្រុម​អ្នកជំងឺ​ថ្មី​នេះ​បានធ្វើឱ្យ​អាជ្ញាធរ​ផ្នែក​សុខភាព​ដាក់​ការតាមដាន​យ៉ាងខ្លាំង​លើ​ខេត្ត​ចំនួន ៤ ដូចជា​ខេត្ត​​ឈៀង​ម៉ៃ ខេត្ត​ភេត​ចា​ប៊ុន ខេត្ត​បាំង​កាន និង​ខេត្ត​ចាន់ថា​បុរី ជា​កន្លែង​ដែល​ករណី​ថ្មី​នៃ​ការឆ្លង​វីរុស Zika ត្រូវបាន​រាយការណ៍​ទៅ​ក្រសួងសុខាភិបាល​កាលពី​សប្តាហ៍​មុន​។ គិត​ជា​មធ្យម អ្នកជំងឺ​៤​នាក់​ឬ​៥​នាក់ ត្រូវបាន​រកឃើញ​នៅក្នុង​ខេត្ត​នីមួយៗ​នៃ​ខេត្ត​ទាំង​៤​នេះ​។​

​    ​លោក Sopon Mekthon បាន​និយាយថា ក្រុមមន្ត្រី​សុខាភិបាល​បានដឹង​អំពី​ស្ថានភាព​នេះ ទោះយ៉ាងណា ប្រជាជន​មិនគួរ​ព្រួយបារម្ភ​ខ្លាំងពេក​ទេ​អំពី​ចំនួន​ករណី​ថ្មី​ទាំងនេះ​។​

​    ​ស្របពេល​នេះដែរ ករណី​ឆ្លង​វីរុស​នេះ​បាន​កើន​ឡើងដល់​២៤២​ករណី​ហើយ​នៅក្នុង​ប្រទេស​សិង្ហ​បុរី​៕

​ប្រភព​៖ បាងកក​ប៉ុស្តិ៍​

adverise with khmeread

មតិយោបល់