adverise with khmeread 1

កីឡាករ Cesar Azpilicueta នឹងត្រូវ​បង្ខំ​ឲ្យ​ពាក់​របាំង​ការពារ​មុខ​បន្ទាប់ពី​បាក់​ថ្ពាល់​ដល់​ទៅ​ពីរ​កន្លែង​

​ខ្សែការពារ​ក្រុម​តោ​ខៀវ Chelsea កីឡាករ Azpilicueta នឹងត្រូវ​ពាក់​ម៉ាស់​ការពារ​មុខ​បន្ទាប់ពី​ការ​ទាត់​ចំ​មុខ​ខាងឆ្វេង​ពី​សំណាក់​កីឡាករ Fraizer Campbell របស់​ក្រុម Crystal Palace ដែល​ធ្វើ​ឲ្យ​រូបគេ​រងរបួស​បាក់ឆ្អឹង​ថ្ពាល់​ដល់​ទៅ​ពីរ​កន្លែង​។​


​ខ្សែការពារ​ស្លាប​ឆ្វេង​សញ្ជាតិ​អេ​ស្ប៉ា​ញ​រូបនេះ​បាន​រង​ការឈឺចាប់​ខ្លាំង​បន្ទាប់ពី​ប្រជែង​យក​បាល់​គ្នា​នៅត្រឹមតែ​បួន​នាទី​នៃ​ការប្រកួត​ក្នុង​ជ័យជម្នះ ៣-០ នៅ​ទឹកដី Selhurst Park កាលពី​ថ្ងៃអាទិត្យ ប៉ុន្តែ​រូបគេ​នៅតែ​លៃលក​លេង​បាន ៩០ នាទី​ពេញ​ដដែល​។​

​កីឡាករ Azpilicueta បានធ្វើការ​ហ្វឹកហាត់​ជាមួយ​ក្រុម​កាលពី​ថ្ងៃ​ពុធ ប៉ុន្តែ​រូបគេ​នឹងត្រូវ​ទាមទារ​ឲ្យ​ពាក់​របាំង​ការពារ​មុខ មុននឹង​ចូលរួម​ប្រកួត​៕

adverise with khmeread
ប្រភព៖ ដេលីមែល

មតិយោបល់