adverise with khmeread 14274425 1112867862133421 2025896836 o

ឈ្លោះគ្នាយកដុំថ្មគប់គ្នាជាប់ខ្នោះ

    ភ្នំពេញ ៖ មាន​ករណី​ហិង្សា​ដោយ​ចេតនា​មាន​ស្ថាន​ទម្ងន់ទោស (​ទំនាស់​យក​ដុំថ្ម​គប់​បណ្តាល​ឱ្យ​របួស​ក្បាល​) កាលពី​ថ្ងៃទី​០៦ ខែកញ្ញា ឆ្នាំ២០១៦ វេលា​ម៉ោង​០១​​រំលង​អា​ធ្រា​ត្រ នៅ​ចំណុច ផ្លូវ​បេតុង ភូមិទ្រា​២ សង្កាត់ស្ទឹងមានជ័យ ខណ្ឌមានជ័យ រាជធានី​ភ្នំពេញ។

    ប៉ូលិសនិយាយថា កម្លាំង​ប៉ុស្តិ៍នគរបាល​ស្ទឹងមានជ័យ បាន​ស្រាវជ្រាវ​ឃាត់ខ្លួន​ជនសង្ស័យម្នាក់ ឈ្មោះ កែវ ឧ​ត្ត​ម ភេទប្រុស អាយុ២៥ឆ្នាំ ជនជាតិខ្មែរ មុខរបរមិន​ប្រាកដ ស្នាក់នៅ​ផ្ទះជួល ផ្លូវលំ ភូមិទ្រា​១ សង្កាត់ស្ទឹងមានជ័យ ខណ្ឌមានជ័យ រាជធានី​ភ្នំពេញ ពីបទ​ហិង្សា​ដោយ​ចេតនា​មាន​ស្ថាន​ទម្ងន់ទោស (​ទំនាស់​យក​ដុំថ្ម​គប់​បណ្តាលឱ្យ​របួស​ក្បាល​)។   

    រីឯ​ជនរងគ្រោះ​ឈ្មោះ ន​ន់ សុខន ភេទប្រុស អាយុ៣៥ឆ្នាំ ជនជាតិខ្មែរ មុខរបរកម្មករ​រោងចក្រ ស្នាក់នៅ​ផ្ទះជួល ផ្លូវលំ ភូមិព្រែក​ទាល់ សង្កាត់ ស្ទឹងមានជ័យ ខណ្ឌមានជ័យ រាជធានី​ភ្នំពេញ។ 

    ប៉ូលិសបន្តថា កាលពី​ថ្ងៃទី​០៥ ខែកញ្ញា ឆ្នាំ២០១៦ ​វេលា​ម៉ោង​២១​ នៅ​ចំណុច​ផ្ទះជួល ផ្លូវលំ ភូមិព្រែក​ទាល់ សង្កាត់ស្ទឹងមានជ័យ ខណ្ឌមានជ័យ រាជធានី​ភ្នំពេញ ជនសង្ស័យបានយកដុំថ្ម​គប់ទៅលើជនរងគ្រោះក្រោយមានទំនាស់បន្តិចបន្តួច។ 

    ​​វត្ថុតាង​ចាប់យកមាន៖ ដុំថ្ម​ចំនួន ០១ ដុំ (​ជា​មធ្យោបាយ​ជនសង្ស័យ​ធ្វើ​សកម្មភាព​)។

    បច្ចុប្បន្ន ជនសង្ស័យត្រូវបានកសាងសំណុំរឿងតាមនីតិវិធីច្បាប់៕

adverise with khmeread

មតិយោបល់