adverise with khmeread 14256787 1113752102044997 41207449 n

ពលករ​ខ្មែរ​ម្នាក់​គ្រោះថ្នាក់​ចរាចរណ៍​ស្លាប់​នៅ​ប្រទេស​ថៃ​

    បន្ទាយមានជ័យ ​៖ ពលករ​ខ្មែរ​ម្នាក់​ធ្វើការ​នៅ​ប្រទេស​ថៃ បាន​រងគ្រោះ​ដល់​ស្លាប់​ដោយ​គ្រោះថ្នាក់​ចរាច​ណ៍ ហើយ​បាន​បញ្ជូន​សព​មក​ស្រុក​ខ្មែរ​វិញ​តាម​ច្រក​ប៉ោយប៉ែត។​

    តាម​របាយការណ៍​រប​ស់​កងរាជអាវុធហត្ថ​ក្រុង​ប៉ោយប៉ែត​បានឱ្យដឹងថា នៅវេលា​ម៉ោង​៩​ និង​៥៨​នាទី ថ្ងៃទី​៧ ខែកញ្ញា ឆ្នាំ​២០១៦ ស្ថាន​អគ្គ​កុង​ស៊ុល​កម្ពុជា​ប្រចាំ​ទីក្រុង​បាងកក ប្រទេស​ថៃ សហការ​ជាមួយ​អាជ្ញា​ធរមាន​សមត្ថកិច្ច​ថៃ បញ្ជូន​សាកសព ពលករ​កម្ពុជា តាម​ច្រកទ្វារ​អន្តរជាតិ​ប៉ោយប៉ែត​ចំនួនម្នាក់។​

    លោក​វរៈ​សេនីយ៍​ត្រី ជា ដា មេបញ្ជាការ​កងរាជអាវុធហត្ថ​ក្រុង​ប៉ោយប៉ែត​បានឱ្យដឹងថា សព​ឈ្មោះ ឡត លឿយ ភេទ​ប្រុស អាយុ​២១​ឆ្នាំ មាន​ទីលំនៅ​ភូមិ​ល្បើក​ព្រិច ឃុំ​រោង​គោ ស្រុក​ក្រឡាញ់ ខេត្តសៀមរាប មុខរបរ កម្មករសំណង់​នៅ​ខេត្ត​ប្រា​ធំ​ថា​នី​។ ជនរងគ្រោះ​ស្លាប់​ដោយ​គ្រោះថ្នាក់​ចរាចរ កាលពី​ថ្ងៃទី​៣ ខែកញ្ញា ឆ្នាំ​២០១៦ កន្លងមកនេះ​។​

    សព​ត្រូវបាន​ក្រុមគ្រួសារ​ទទួលយក ទៅកាន់​ស្រុកកំណើត​ធ្វើបុណ្យ​តាម​ប្រពៃណី​រួចហើយ ៕

adverise with khmeread

មតិយោបល់