adverise with khmeread Unnamed %281%29

សមត្ថកិច្ច​បង្ខំចិត្ត​បាញ់​ចោរ​បាន​ម្នា​ក់នៅ​ក្រុង​បាត់ដំបង​

    បាត់ដំបង ៖ បន្ទាប់ពី​ទទួលបាន​សំណុំរឿង​ចោរ​កាច់​សោ​ម៉ូ​តូ​ដ៏​សកម្ម​មួយ ត្រូវបាន​បំបែក​ក្នុងភូមិ​សាស្ត្រ​ខេត្តបន្ទាយមានជ័យ​រួចមក រូបថត​និង​សាវតា​ជនសង្ស័យ​ម្នាក់​ជា​បក្សពួក​ត្រូវ​ស្ថិត ក្នុង​ដៃ​សមត្ថកិច្ច​ប៉ូលិស​នៅ ថ្ងៃទី៦ ខែកញ្ញា ឆ្នា ២០១៦ មុខសញ្ញា​នេះ​បានបង្ហាញ​ខ្លួន​ក្នុងភូមិ​សាស្ត្រ​ក្រុង​បាត់ដំបង​ដោយ​សភាពការណ៍​បទល្មើស​កាច់​សោក​ម៉ូតូ​ក៏​លេចឡើង​ផងដែរ​។​

    ប៉ូលិស​បានឱ្យដឹងថា មិន​បង្អង់​យូរ​ជនសង្ស័យ​ពោរពេញ​ដោយ​ល្បិច​ខូច បាន​ព្យាយាម​ចូលទៅ​លួច​យក​ម៉ូតូ​នៅក្នុង​បរិវេណ​មណ្ឌល​សុខភាព​ស្វាយប៉ោ ក្រុង​បាត់ដំបង សកម្មភាព នៃ​ការប្រព្រឹត្តិ​បទល្មើស​ជាក់ស្តែង​និង​រូបភាព​ពិត របស់​ជនសង្ស័យ​ប៉ូលិស​បាន​ចូលធ្វើការ​ឃាត់ខ្លួន​ហើយ​ភ្លាម​នេះ ជនសង្ស័យ​ក៏​ព្យាយាម​គេចខ្លួន​ផងដែរ ។​

    ស្ថានភាព​បែបនេះ​កម្លាំង​ប៉ូលិស​បាន​ព្យាយាម​ឃាត់ខ្លួន​តែ​ជនសង្ស័យ​បាន​រត់គេច​រហូត​ប៉ូលិស​បានសម្រេច​ចិត្ត​បាញ់ ត្រូវ​ជើង​មួយ​គ្រាប់​និង​ធ្វើការ​ឃាត់ខ្លួន​បាន។​

    ប៉ូលិស​បន្តថា ជនសង្ស័យ​ឈ្មោះ ជា សំណាង ភេទ​ប្រុស អាយុ៣៧ឆ្នាំ រស់នៅ​ភូមិ​ស្រះ​បន្ទាយ ឃុំ​បណ្តុះ​សណ្តែក ស្រុក​បារាយ​ខេត្តកំពង់ធំ​។ ក្នុង​ពេលនេះ​ដកហូត​បាន​ដែក​សម្រាប់​កាច់​សោ​ម៉ូតូ​រាង​ជា​អក្សរ T (​តេ )​ចំនួន​០១ និង​ម៉ូតូ​ជិះ​ធ្វើ​សកម្មភាព​ចំនួន ០១ គ្រឿង​ម៉ាក FZ ព៌​ណ​ខ្មៅ​ស្លាក​លេខ តាកែវ 1L9966។​

    ប៉ូលិស​បាន​បន្ត​ឆែកឆេរ​រកឃើញ​សម្ភារៈ​ពាក់​ព័​ន្ធ​បទល្មើស​មួ​ចំនួន​ទៀត​ក្នុង​លំនៅដ្ឋាន​មួយកន្លែង​ក្នុងស្រុក​សង្កែ រីឯ​ជនសង្ស័យ​កំពុង​ស្រាវជ្រាវ​បន្ត និង​ត្រៀម​រៀបចំ​សំណុំរឿង​ប​ញ្ជូ​ន​ទៅ​តុលាការខេត្ត​បាត់ដំបង ចាត់ការ​តាមផ្លូវ​ច្បាប់​៕ (រូបភាពប៉ូលិស)
 

adverise with khmeread

មតិយោបល់