adverise with khmeread 1%282%29 copy

Suárez អាច​នឹង​ជាប់​បម្រាម​រហូតដល់​ទៅ ៣ ប្រកួត​

​កីឡាករ Luis Suárez អាចនឹងទទួល​ពិន័យ​ដោយសារ​ការបង្ក​រឿងរ​បស់​កីឡាករ​រូបនេះ បន្ទាប់ពី​បាន​ស្រែក​ដាក់​កីឡាករ​របស់​ក្រុម Espanyol នៅ​ផ្លូវ​ដើរចូល​បន្ទប់​ផ្លាស់​សម្លៀកបំពាក់​នៅ​ទឹកដី Camp Nou កាលពី​ថ្ងៃ​ពុធ​ក្នុងការ​ប្រកួត Copa del Rey ដែល​លោក​អាជ្ញាកណ្តាល Martínez Munuera បានធ្វើការ​កត់ត្រា​ទុក​នៅក្នុង​របាយការណ៍​កា​រ​ប្រកួត​របស់គាត់​។​

​ច្បាប់​បានចែង​ថា ការផ្តន្ទាទោស​សម្រាប់​ប​ទ​ល្មើស​បែបនេះ អាចនឹងទទួល​បានកា​រ​ផ្អាក​ពីមួយ​ទៅ​បី​ប្រកួត​។ របាយការណ៍​នេះ​នឹង​ធ្លាក់​ទៅលើ​ដៃ​គណៈកម្មាធិការ​ប្រកួតប្រជែង​របស់​សហព័ន្ធ​បាល់ទាត់​អេ​ស្ប៉ា​ញ ដើម្បី​បើក​ការស៊ើបអង្កេត​ហេតុការណ៍​នេះ និង​ចាត់វិធានការ​ដែល Suárez សម​នឹង​ទទួលបាន​។​

​កីឡាករ Suárez ពីមុន​ក៏​ធ្លាប់​ទទួលបាន​ពិន័យ​រយៈពេល​យូរ​ផងដែរ​ដោយសារ​ការប្រកាន់​ជាតិ​សាសន៍​កាលពី​លោក​នៅ​លេង​ឱ្យ​ក្រុម Liverpool និង​ធ្លាប់​ជាប់​ពិន័យ​រយៈពេល​បួន​ខែ​ដោយសារ​ខាំ​កីឡាករ Giorgio Chiellini កាលពី​ឆ្នាំ ២០១៤ ក្នុង​ព្រឹត្តិការណ៍​បាល់ទាត់​ពិភពលោក​ក្នុងប្រទេស​ប្រេ​ស៊ី​ល​។ ទោះជា​យ៉ាងណាក៏ដោយ រូបគេ​បានរៀបចំ​ច​រិ​ក​របស់ខ្លួន​បានល្អ​បន្ទាប់ពី​ផ្លាស់​មក​ប្រទេស​អេ​ស្ប៉ា​ញ ហើយ​នេះ​គឺជា​លើកទីមួយ​ហើយ​ដែល​រួប​គេ​ស្ថិតនៅក្នុង​បញ្ហា​ជាថ្មី​ម្តងទៀត​នៅ​ទឹកដី​អេ​ស្ប៉ា​ញ​៕

adverise with khmeread

មតិយោបល់