adverise with khmeread 14339372 1119450174808523 1188008421 o

ឃាត់​បុរស​ម្នាក់​តាម​ដីកា​ពីបទ​ប្លន់​

    ភ្នំពេញ ៖ កម្លាំង​ប៉ូលិសប៉ុស្ដិ៍ក្បាលកោះ ខណ្ឌ​ច្បារអំពៅ ធ្វើការ​ចាប់ខ្លួន​ជនល្មើសម្នាក់ តាម​ដីកា​បង្គាប់​ឱ្យ​ចាប់ខ្លួន នៅ​ថ្ងៃទី១៤ ​កញ្ញា ​ឆ្នាំ​២០១៦ ម៉ោង​៦​ និង​៣០​នាទី​នៅ​ចំណុច​ភូមិ​ព្រែក​ធំ​១ សង្កាត់​ក្បាលកោះ ខណ្ឌ​ច្បារអំពៅ ពីបទ​ប្លន់។​

    ប៉ូលិស​និយាយថា ការចាប់ខ្លួន​យោងតាម​ដីកា​លេខ​១៧៦ ដ ច ន​ចុះ​ថ្ងៃទី​២៣ មិនា ឆ្នាំ២០១៦ ចេញ​ដោយ​លោក ឆែ វីរៈ ចៅក្រម​ស៊ើ​ប​សួរ​សាលាដំបូង​រាជធានី​ភ្នំពេញ ពីបទ លួច មាន​ស្ថាន​ទំងន់ទោស ដោយសារ​ការប្រព្រឹត្ត​អំពើហិង្សា ប្រព្រឹត្ត​នៅ​ចំណុច មុខ​វត្ត​ច​ន្ទ័​រង្សី ភូមិ​ព្រែក​ធំ សង្កាត់​ក្បាលកោះ ខណ្ឌ​ច្បារអំពៅ​កាលពី​ថ្ងៃទី​០១ ខែវិច្ឆិកា ឆ្នាំ២០១៥។​

    ប៉ូលិស​បន្តថា ជនល្មើស​ឈ្មោះ​ ម៉ៅ សុខ​ហេង ភេទ​ប្រុស ឆ្នាំ​កំណើត​ថ្ងៃទី​៣០ ខែសីហា ឆ្នាំ១៩៩១ ជនជាតិខ្មែរ ស្នាក់នៅ ភូមិ​ព្រែក​ធំ​១ សង្កាត់​ក្បាលកោះ ខណ្ឌ​ច្បារអំពៅ មុខរបរ កម្មករសំណង់។​

    បច្ចុប្បន្ន​ជនល្មើស​ឃាត់ខ្លួន​បណ្តោះអាសន្ន​នៅ​អធិការដ្ឋាន​ប៉ូលិស​ខណ្ឌ​ច្បារអំពៅ​ដើម្បី​ចាត់ការ តាម​នីតិវិធី៕

adverise with khmeread

មតិយោបល់