adverise with khmeread Unnamed %281%29

សម្រាំង​បាន​ម្ចាស់​ជ័យលាភី​កីឡា​តេ​ក្វាន់​ដូ ITF​ ជ្រើសរើស​ជើងឯក លើក​ទី​១ ប្រចាំឆ្នាំ​២០១៦

    ភ្នំពេញ ៖ ការប្រកួត​កីឡា​តេ​ក្វាន់​ដូ ITF ជើង​រើស​ជើងឯក លើក​ទី​១ ប្រចាំឆ្នាំ​២០១៦ បានប្រកាស​បិទ​ជា​ផ្លូវការហើយ កាលពីដើម​សប្តាហ៍​នេះ នៅ​វិមាន​កីឡដ្ឋាន​ជាតិ បន្ទាប់ពី​សម្រាំង​បាន​ម្ចាស់​ជ័យលាភី​លើ​គ្រប់​វិញ្ញាសា​ដ៏ ច្រើនសន្ធឹក​សន្ធាប់​រួចរាល់​ហើយ​នោះ​។​

    លោក ស៊ាន បូរ៉ា​ត រដ្ឋលេខាធិការ ក្រសួង​អប់រំ យុវជន និង​កីឡា​មានប្រសាសន៍ថា ព្រឹត្តិការណ៍ លើក​ទី​១​នេះ​នឹង​ផ្តល់​ជា​ប្រយោជន៍​ថ្មី​មួយ សម្រាប់​វិស័យ​កីឡា​តេ​ក្វាន់​ដូ ITF ដើម្បី​ឈានទៅ​ពង្រឹង និង​ពង្រីក វិស័យ​កីឡា​មួយ​នេះ​នៅ​កម្ពុជា​ ឱ្យ​បាន​ផុលផុស​ឡើង​បន្ថែមទៀត​។ 

    លោក​បន្ថែមថា សហព័ន្ធ​កីឡា​តេ​ក្វាន់​ដូ ITF ​កម្ពុជា​ត្រូវ​បន្ត​យកចិត្តទុកដាក់ និង​អនុវត្ត​នូវ​ផែនការ សកម្មភាពឱ្យ​មាន​ប្រសិទ្ធភាព​ខ្ពស់បំផុត ដើម្បី សម្រេចបាន​នូវ​ចក្ខុវិស័យ​របស់ខ្លួន ដែលជា​ការរួមចំណែក​យ៉ាងសកម្ម​ជាមួយ​រាជរដ្ឋាភិបាល​កម្ពុជា ក្នុងការ​អភិ វ​ឌ្ឍ​វិស័យ​កីឡា​ឱ្យ​មានការ​រីកចម្រើន​ទាំង​ក្នុង​កម្រិត​ជាតិ តំបន់ និង​ពិភពលោក​។​

    យោងតាម​លទ្ធ​ផលរប​ស់​គណៈកម្មការ​បច្ចេក​ទេស​បាន​ឱ្យ​ដឹងថា ជ័យលាភី​លើ​វិញ្ញាសា​សម្តែង​បច្ចេក ទេស​ពិសេស​ឯកត្តជន​បុរស មេដាយមាស បាន​ទៅលើ​កីឡាករ ឃឿន ប៊ុនឡុង ក្លិប​ក្តី​ចាស់​, មេដាយប្រាក់ កីឡាករ ឃឿន ប៊ុន​លាង ក្លឹប​ក្តី​ចាស់ និង​មេដាយសំរិទ្ធ កីឡាករ យិន យូ​រី ក្លឹប​សហភាព​សហព័ន្ធ​យុវជន​កម្ពុជា ខេត្តកណ្តាល​។      

    វិញ្ញាសា​សម្តែង​បច្ចេកទេស​ការពារ​ខ្លួន ១​ទល់​៣​នាក់​ជា​ក្រុម​បុរស​មេដាយមាស បាន​ទៅលើ ក្លឹប​យុវជន​ក្រុម​១, មេដាយប្រាក់​បាន​ទៅលើ​ក្លឹប​យុវជន​ក្រុម​២ និង​មេដាយសំរិទ្ធ បាន​ទៅលើ​ក្លឹប​យុវជន​១​។​

    រីឯ វិញ្ញាសា​សម្តែង​បច្ចេកទេស​ពិសេស​ជា​ក្រុម​បុរស មេដាយមាស ក្លឹប​ក្តី​ចាស់​, មេដាយប្រាក់ ក្លឹប​សហភាព​សហព័ន្ធ​យុវជន​កម្ពុជា​ខេត្តកណ្តាល និង​មេដាយសំរិទ្ធ បាន​ទៅលើ​ក្លឹប​យុវជន​។ 

    ប្រយុទ្ធ​ជា​ក្រុម​បុរស​៖ មេដាយមាស បាន​ទៅលើ​ក្លិប អាវុធហត្ថ​រាជធានី​ភ្នំពេញ​, មេដាយប្រាក់ ក្លឹប​យុវជន និង​មេដាយសំរិទ្ធ បាន​ទៅលើ​ក្លឹប​យុវ ជន​ក្រុម​១ និង​ក្លឹប​សេរីភាព​។ ក្រៅពីនេះ​មាន​ជ័យលាភី​លើ​វិញ្ញាសា​មួយចំនួនទៀត​ផងដែរ​។​

    ថ្លែង​ក្រោយ​បញ្ចប់​ការបំពាក់​មេដាយ​ជ័យលាភី​, លោក កែវ រ៉េមី រដ្ឋលេខាធិការ​ទីស្តីការគណៈរដ្ឋមន្ត្រី និង​ជា​ប្រធានកិត្តិយស​សហព័ន្ធ​កីឡា​តេ​ក្វាន់​ដូ ITF កម្ពុជា​មានប្រសាសន៍ថា Sound by កែវ រ៉េមី File សម្ភាសន៍ ០០១ (​កាត់​ហើយ​)​។​

    សូមបញ្ជាក់ថា ព្រឹត្តិការណ៍​លើក​ទី​១​នេះ​មាន​ក្លឹប​ចូលរួម​ចំនួន​១៤​មកពី​បណ្តា​ខេត្ត​នានា​ទូទាំងប្រទេស ដោយមាន​កីឡាករ​សរុប ៣៣១​នាក់ និង​កីឡាការិនី​៧៦​នាក់​៕

adverise with khmeread

មតិយោបល់