adverise with khmeread Csnyc 5ueaaidjp

ភ្លៀង​ខ្លាំង​នៅ​បង់​ក្លាស​ដែល អណ្តែត​ឈាម​ពេញទី​ក្រុង ក្រោយ​ធ្វើ​ពិធីបុណ្យ​បូជា​សត្វ​

    ​នេះ​រូបភាព​បង្ហាញ​ពី​ស្ថានភាព​ផ្លូវ​លិច​ទឹក​ចេញ​ពណ៌​ក្រហម​ជាមួយនឹង​ឈាម បន្ទាប់​បុណ្យ​បូជា​សត្វ​ប្រចាំឆ្នាំ​ហៅថា Eid ul Adha ក្នុងប្រទេស​បង់​ក្លា​ដែ​ស​។ នេះ​បើតាម​វេ​ប​សាយ Metro ចេញផ្សាយ​កាលពី​ថ្ងៃ​ពុធ ទី​១៤ កញ្ញា​។​

​    ​ឈាម​ហូរហៀរ​ពេញ​ផ្លូវ​ក្នុង​ទីក្រុង Dhaka ប្រទេស​បង់​ក្លា​ដែ​ស បន្ទាប់ពី​គោ ពពែ ចៀម និង សត្វ​អូដ្ឋ​រាប់សិប​ក្បាល​ត្រូវបាន​សម្លាប់ បន្ទាប់ពី​ការថ្វាយ​បង្គំ​បែប​សាសនា​មូស្លីម​នៅ​ព្រឹក​ក្នុងឱកាស​ពិធីបុណ្យ Eid ul Adha​។​

​    ​ចំណែកឯ​សាច់​វិញ​ជាធម្មតា​ត្រូវបាន​យកទៅឱ្យ​អ្នកក្រខ្សត់ ក៏ដូចជា​យកទៅ​ប្រើ​សម្រាប់​អបអរ​ពិធីបុណ្យ​រយៈពេល​បី​ថ្ងៃនេះ ដែល​សម្គាល់​ពី​បំណងប្រាថ្នា​របស់​ព្យា​ការី Abraham ដែល​បូជាជីវិត​កូនប្រុស​របស់ខ្លួន​ដើម្បី​ព្រះ​អា​ឡា​។​

​    ​ប៉ុន្ដែ​ដោយសារ​ភ្លៀង​ខ្លាំង​បណ្ដាលឱ្យ​ប្រព័ន្ធ​បង្ហូរ​លូ និង​ឈាម​រួមបញ្ចូល​គ្នា​បង្កើត​ទៅជា​ទឹក​ពណ៌​ក្រហម​ពេញ​ផ្លូវ​របស់​ទីក្រុង Dhaka ។ ទឹក​នេះ​នៅលើ​ផ្លូវ​រយៈពេល ២ ទៅ ៣ ម៉ោង​ទម្រាំ​វា​ហូរ​បាត់អស់​។​

​    ​បន្ទាប់ពី​ឃើញ​ទិដ្ឋភាព​បែបនេះ ក៏មាន​ការរិះគន់​ពី​អ្នកលេង​អ៊ី​ន​ធឺ​ណេ​ត​ផងដែរ ដោយសារ​ពិធីបុណ្យ​នេះ​មើលទៅ​សាហាវ​ឃោ​ឃៅ​ពេក​ណាស់​៕

​ប្រភព​៖ Metro

adverise with khmeread

មតិយោបល់