adverise with khmeread 14355952 1121163744637166 1778763548 n

អ្នកជំនួញជនជាតិ​ប៊ែ​ល​ហ្សិ​ក​ដេកស្លាប់​នៅ​សណ្ឋាគារ​ "ដាយ​វើ"

    ព្រះសីហនុ ៖ សព​បុរស​ជនជាតិ​ប៊ែ​ល​ហ្សិ​ក​ម្នាក់​ត្រូវគេ​ប្រទះឃើញ​ដេកស្លាប់ នៅលើ​គ្រែ​ពូក ដោយ​មិនទាន់​ដឹង​មូលហេតុ នៅក្នុង​សណ្ឋាគារ ដាយ​វើ នៅ​ម៉ោង​ប្រមាណ​១២​រំលង​អា​ធ្រា​ត្រ​ឈានចូល​ថ្ងៃទី​១៦ ខែកញ្ញា ឆ្នាំ​២០១៦​ដែលមាន​ទីតាំង ស្ថិតនៅ​ម្តុំ​ឧតុនិយម​ក្នុង​ក្រុមទី​២៥ ភូមិ​៣ សង្កាត់​លេខ​៣ ក្រុង​-​ខេត្ត​ព្រះសីហនុ​។ 

    ប៉ូលិស​បានឱ្យដឹងថា ជនជាតិ​ប៊ែ​ល​ហ្សិ​ក​ដេក​នៅក្នុង​បន្ទប់​កើតហេតុ​គេ​សង្កេតឃើញថា សាកសព ជនរងគ្រោះ ដេក​ផ្ងារ​លើ​ក្រែ​ពូក​ដោយ​សព​មាន​ពាក់អាវ​ដៃខ្លី​ក្រឡា​តូចៗ ពណ៌​ផ្ទៃមេឃ និង​ស្លៀក​ខោខ្លី ត្រឹម​ជង្គង់ ពណ៌​ប្រផេះ មាន​ស្នាម​ទឹក ប្រឡាក់​ខោ​ជោគ ដែលបញ្ហា​នេះ​គេ​សង្ស័យថា​ជា​ទឹកនោម​របស់​ជនរងគ្រោះ​។​

    ប៉ូលិស​បន្តថា សាកសព​ជនរងគ្រោះ​មានឈ្មោះ HAZARD FREDERIC POLC សញ្ជាតិ ប៊ែ​ល​ហ្សិ​ក អាយុ​៥៨​ឆ្នាំ មាន​មុខរបរ អ្នកជំនួញ កាន់​លិខិតឆ្លងដែន​លេខ EM564160 មាន​សុពលភាព​ដល់​ថ្ងៃទី​១៤-០៩-២០២១ ទិដ្ឋាការ​លេខ​​ EI 00679078 និង​មាន​សុពលភាព ០៤.១០.២០១៦​។​

    ឆ្លងតាម​ការធ្វើ​កោសល្យវិច័យ​របស់​ក្រុម​សមត្ថកិច្ច​ជំនាញ​និង​គ្រូពេទ្យ​បានធ្វើការ​សន្និដ្ឋាន​ជា​ជំហាន​ដំបូង​ថា ជនរងគ្រោះ​អាច​ស្លាប់​ដោយសារ​គាំងបេះដូង​។​

    ក្រោយពី​ធ្វើការ​ពិនិត្យ​ចប់សព្វគ្រប់​រួច​ភ្លាម​សាកសព​ត្រូវ​ក្រុមគ្រួសារ និង​ស្ថានទូត​ដឹក​យកទៅ​រក្សារ​ទុក​នៅ​មន្ទីរពេទ្យ រុស្ស៊ី​ភ្នំពេញ​៕

adverise with khmeread

មតិយោបល់