adverise with khmeread Index

កីឡាករ​មិន​ចោល​ច​រិ​ក​ខូច Luis Suárez ជាប់​បម្រាម​ពីរ​ប្រកួត​

ចៅក្រម​គណៈកម្មាធិការ​ការប្រកួតប្រជែង​រប​ស់​សហព័ន្ធ​បាល់ទាត់​អេ​ស្ប៉ា​ញ​បានសម្រេច​ថា​កីឡាករ Luis Suárez គួរតែ​ទទួល​ការពិន័យ​ចំនួន​ពីរ​ប្រកួត បន្ទាប់ពី​ឧបទ្ទវ​ហេតុដែល​បាន​កើតឡើង​បន្ទាប់ពី​ការប្រកួត Copa del Rey វគ្គ ១៦ ក្រុម​ចុងក្រោយ​ជើង​ទីមួយ រវាង​ក្រុម Barcelona និង Espanyol​។​

​កំណត់ត្រា​ការប្រកួត​ជា​ផ្លូវការ​របស់​អាជ្ញាកណ្តាល​បាន​រាយការណ៍​មក​ថា ខ្សែប្រយុទ្ធ​ក្រុម​អ្នកមាន​បុណ្យ​រូបនេះ​បាន​សើចចំអក​ទៅ​កីឡាករ​ក្រុម Espanyol ដោយបាន​និយាយថា "​អេ​មកនេះ អញ​កំពុង​ចាំ​ហ្អែ​ង ហ្អែ​ង​រស់នៅ​នាំ​តែ​ធ្ងន់​ផែនដី​ទេ​ហ្អា​" ដែល​បញ្ហា​នេះ​ទើប​ជំរុញ​ឲ្យ​មានទំនាស់​រវាង​ក្រុម​ទាំងពីរ​។​

​កីឡាករ Pape Diop និង Hernán Pérez របស់​ក្រុម Espanyol ក៏​ជាប់​ពិន័យ​មួយ​ប្រកួត​ផងដែរ​។ ក្នុងករណី​របស់​កីឡាករ​សញ្ញជាតិ​សេ​ណេ​ហ្គា​ល់​រូបនេះ ចៅក្រម​មើលឃើញថា​ពាក្យសម្តី​របស់គាត់​ត្រូវបាន​និយាយ​ចេញមក​ដោយសារតែ​ការបង្ក​រឿង​ចេញពី Suárez​។​

​ខ្សែប្រយុទ្ធ​សញ្ជាតិ​អ៊ុយ​រូ​ហ្គា​យ​របស់​ក្រុម Barcelona រូបនេះ​នឹងត្រូវ​ជាប់​បម្រាម​ពីរ​ប្រកួត​ក្នុង​កម្ម​វី​ធី Copa del Rey មានន័យថា​រូបគេ​នឹង​ខកខាន​ការប្រកួត​ក្នុង​វគ្គ ១៦ ក្រុម​ចុងក្រោយ និង​ប្រសិនបើ​ក្រុម Barcelona ឆ្លងទៅ​វគ្គ​បន្ទាប់ រូបគេ​ក៏​នឹង​ខកខាន​ជើង​ទីមួយ​ក្នុង​វគ្គ ១/៨ ដែរ​។​

​បន្ទាប់ពី​ស្វែងយល់​នៃ​ការសម្រេចចិត្ត​របស់​គ​ណៈ​កម្ម​ធិ​ការ​រួចមក ក្រុម​អ្នកមាន​បុណ្យ Barcelona បានចេញ​សេចក្តីថ្លែងការណ៍​ថា​ពួកគេ​មានបំណង​ក្នុងការ​ដាក់ពាក្យ​បណ្តឹង​ឧទ្ធរណ៍​ដើម្បី​ប្រឆាំងនឹង​ការដាក់ទណ្ឌកម្ម​មួយ​នេះ​៕

adverise with khmeread

មតិយោបល់