adverise with khmeread Unnamed

ទិញ​ថ្នាំញៀន​ពីមុខ​ពេទ្យ​លោកសង្ឃ​ទៅ​លក់​នៅ​ស្អាង​ជាប់​ខ្នោះ​២​នាក់​(​មាន​វីដេអូ​)

    កណ្តាល ៖ ជនសង្ស័យ​២​នាក់​ត្រូវបាន​ ​ប៉ូលិស​ស្រុក​ស្អាង​ឃាត់ខ្លួន​ក្នុងករណី​ជួញដូរ​នូវ​សារធាតុ​ញៀន​ខុសច្បាប់ (​ម៉ា​ទឹកកក​) ​នា​ថ្ងៃទី ១៩​ ​កញ្ញា​ ឆ្នាំ​២០១៦ វេលា​ម៉ោង​៨​យប់​នៅ​ចំណុច​ភូមិ​កណ្តាល ឃុំ​ក្រាំង​យ៉ូ​វ ស្រុក​ស្អាង។​

    ប៉ូលិស​និយាយថា ជនសង្ស័យ​០២​នាក់ គឺ​ទី១-​ឈ្មោះ ថៃ ប៊ុន​ធ​ល​ ភេទ​ប្រុស អាយុ៣០​ឆ្នាំ ជនជាតិខ្មែរ មុខរបរ ជាងដែក និង​ទី២-​ឈ្មោះ ឡឹ​ក ម៉េង​ហ៊ ​ភេទ​ប្រុស​ អាយុ​២៨​ឆ្នាំ ​ជនជាតិខ្មែរ មុខរបរ ជាងផ្សារដែក​។ ​អ្នក​ទាំង​០២​នាក់​ខាងលើ​មាន​ទីលំនៅ​ភូមិ​កំពង់​ទ្រា ឃុំ​ស្អាង​ភ្នំ ស្រុក​ស្អាង ខេត្តកណ្តាល។​

    វត្ថុតាង​ចាប់យក​ម្សៅ​ក្រាម​ពណ៌​ស សង្ស័យថា​គ្រឿងញៀន (​ម៉ា​ទឹកកក​) ០១​កញ្ចប់​ធំ​, ម៉ូតូ​០១​គ្រឿង ម៉ាក វ៉េវ ពណ៌​ក្រហម គ្មាន​ពាក់ស្លាកលេខ និ​ង​ឧ​បក​ណ៍​សម្រាប់​វិច​ខ្ចប់​ នឹង​ប្រើប្រាស់​គ្រឿងញៀន​មួយចំនួន​។​

    ប៉ូលិស​បន្តថា នៅ​ថ្ងៃកើតហេតុ កម្លាំង​អន្តរាគមន៍​ស្រុក បាន​ល្បាត​នៅ​ចំណុចកើតហេតុ​ខាងលើ បាន​ប្រទះឃើញ​ជនសង្ស័យ​ជិះ​ម៉ូតូ បាន​ឃាត់​ធ្វើការ​ត្រួតពិនិត្យនឹងបានរ​ក​ឃើញ​គ្រឿងញៀន​០១​កញ្ចប់​ធំ ហើយក៏ឃាត់ខ្លួន​ជនសង្ស័យ​ទាំង​០២​ខាងលើ រួមទាំង​វត្ថុតាង​បញ្ជូនមក​អធិការដ្ឋាន​ប៉ូ​លិ​ក​ស្រុក​ស្អាង​ដើម្បី​ធ្វើការ​សាកសួរ​។​

    នៅ​ចំពោះមុខ​សមត្ថកិច្ច​ឈ្មោះ​ ថៃ ប៊ុន​ធ​ល បាន​សារភាពថា​៖ ខ្លួន​បាន​ទិញ​ថ្នាំញៀន​ប្រភេទ​ម៉ា​ទឹកកក​ពី​ចំណុច​ម្តុំ​ពេទ្យ​លោកសង្ឃ រាជធានី​ភ្នំពេញ​ក្នុង​ត​ម្លៃ១០​ម៉ឺន​រៀល រួចហើយ​បាន​យក​គ្រឿងញៀន​ខាងលើ​មក​ជួញដូរ ដោយ​ជិះ​ម៉ូតូ​ជាមួយ​ឈ្មោះ​ ឡឹ​ក ម៉េង​ហ៊ នៅ​ចំណុច​ភូមិ​កណ្តាល​ ឃុំ​ក្រាំង​យ៉ូ​វ​ ស្រុក​ស្អាង​ ហើយ​ត្រូវបាន​សមត្ថកិច្ច​ឃាត់ខ្លួន​តែម្តង​។ សមត្ថកិច្ច​បានធ្វើការ​ត្រួតពិនិត្យ​ក្នុង​លំនៅដ្ឋាន​របស់​ឈ្មោះ ថៃ ប៊ុន​ធ​ល ​ដើម្បី​ស្វែងរក​វត្ថុតាង​ដោយមាន​ការចូលរួម​ពី​អាជ្ញាធរ​មូលដ្ឋាន បាន​ប្រទះឃើញ​វត្ថុតាង​សំរាប់​វ៉ិ​ច​ខ្ចប់ ​និង​ប្រើ​ប្រាប់​គ្រឿងញៀន​មួយចំនួន។ ​ករណីនេះ កំពុង​បន្ត​ចាត់ការ​តាម​នីតិវិធី​៕​

 

adverise with khmeread

មតិយោបល់